Thursday, 24 April 2014
Ultimo simannan pa inscribi pa e curso preparatorio Rietveld Print E-mail
Wednesday, 01 August 2012 11:28
julianne paskel
Esaki ta e delaster simannan di inscipcion pa e Curso Preparatorio Arte Visual y Diseño di Rietveld. Departamento di Cultura kier a recorda tur esnan cu ta interesa y cu ta cumpli cu e rekisitonan pa inscribi na ora pa asina por haya e tareanan pa traha di adelanta. Mester presenta cu e tareanan riba dia di combersacion di admision.

Mirando cu Aruba tambe ta trahando riba locual ta ser yama ‘Creative Industry’, esaki ta un oportunidad unico pa e hoben prepara su mes pa sigui un estudio riba nivel di HBO den e ramo di arte visual y diseño. E studiante lo haya un miho bista den e forma di duna les na un academia di arte y lo siña traha mas independiente di locual ta custuma na Aruba. Durante e periodo aki e studiante lo traha un portfolio solido y amplio den diferente disciplina.

E programa lo consisti di tres topico y teoria. Durante e 30 siman di curso e docentenan lo prepara y yuda e studiante traha un portfolio amplio y di calidad. E lesnan lo toca diferente disciplina di arte visual y diseño, por ehempel; fotografia, sketsmento, pintamento, moda, video y mucho mas. Tur e lesnan lo ser duna den Ingles.

E studiante cu caba e curso preparatorio cu exito tin su luga sigura den e prome aña di e prestigioso academia di arte na Hulanda, Gerrit Rietveld Academie Amsterdam. Pa esnan cu kier keda mas serca di cas, na 2013 lo cuminsa cu e estudio riba nivel di Hbo na Aruba mes.

E aña escolar lo cuminsa, contando cu suficiente inscripcion, den e luna di november. E lesnan lo tuma luga riba diamars, diaranson y diahuebs di 3:30 pa 6:30 di atardi. Pa por drenta e curso preparatorio mester pasa un procedura di admision cu ta sosode pa medio di un combersacion y demonstracion di trabounan propio y tarea pa haci na cas. Candidatonan mester tin por lo menos un diploma di HAVO, VWO, MBO4 of comparabel.

Costonan pa e curso preparatorio ta AWG 1200 pa studiantenan di Aruba. Pa studiantenan di Hulanda e ta costa €1728 y pa studiantenan di Merca y region e ta costa $1200. Esaki ta inclui material.

E procedura di admisionnan lo tuma luga tanto na Aruba como na Hulanda. E fechanan ta lo siguiente:

Departamento di Cultura Aruba:
Diabierna 24 di augustus 2012
Dialuna 27 di augustus 2012

Gerrit Rietveld Academie Amsterdam:
Diabierna 11 di juni 2012
Dialuna 3 di september 2012

Inscripcion
Subi riba www.cultura.aw y download e formulario di inscripcion y mand’e hunto cu dos pasfoto y un copia di paspoort na:

Departamento di Cultura Aruba
T.a.v. Julienne Paskel
J.E. Irausquinplein 2a

Pa mas informacion por yama na DCA: 582-2185 of mail na juliennepaskel@cultura.aw">juliennepaskel@cultura.aw


DSC_2063

 

 

Comentarionan (2)Add Comment
Mahalia
August 16, 2012
201.229.29.86
Votes: +2
...

@!!!BERDAD!!!: GRA ta un academia prestigioso y reconoci internationalmente.
International students ta paga volle pond. Subsidie ta pa studiante local so.
Doc Opleiding no ta ofrece estudio di fine arts & design na nivel di HBO. Algo cu Aruba falta.

!!!BERDAD!!!
August 04, 2012
201.229.50.222
Votes: +0
...

Te ainda PUEBLO no ta COMPRONDE, pakiko GOBIERNO mester FINANCIA RIETVELD ACADEMIE na ARUBA, siendo cu na ARUBA ya DOC OPLEIDING ta conoci pa ofrece pa añas caba na COMUNIDAD di ARUBA, estudionan RECONOCI, ariba NIVEL di HBO, sin cu ningun ESTUDIANTE ta haya AYUDO FINANCIERO DIRECTO di GOBIERNO. Parce cu mester tin algun PROVECHO pa EMAN aki den, pasobra si ta YUDA UN, mester YUDA TUR!

Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter