|
Bienal Arte Contemporaneo ta habri pa publico na Fort Zoutman |
 |
 |
|
Tuesday, 14 August 2012 18:21 |
|
Cautiva cu e magia di e evento cultural, cu kisas por bira esun mas importante na Aruba, Minister di Asuntonan Economico, Asuntonan Social y Cultura, Michelle Hooyboer-Winklaar, a haci e apertura oficial di Bienal Arte Contemporaneo den Fort Zoutman.
E tabata un gran honor p’e Minister, ya cu el a conoce Alida Martinez un par di aña atras, ora cu e tabata e ganado di e Bienal na Santo Domingo y awo e ta na Aruba brindando un excelente exposicion di Bienal na Aruba. “A pesar di tur e obstaculonan, e dedicacion y perseverancia pa sigui cu e bunita proyecto aki a prevalece y esaki ta un oportunidad hopi grandi pa Aruba por tin asina tanto bunita obra di arte. Alida a comparti cu nos su idea y awo mi ta contento pa mira esaki un realidad. Bo ta un dama remarcabel brindando un ocasion remarcabel, unda cu por splica tocante e bunita piezanan di arte y nan mensahe. Aruba por spera hopi mas Bienal, ya cu esaki ta simplemente e comienso,” asina e mandatario a expresa. E arte ta bisto y ta na alcance di tur hende y e ta un hoya di arte cu ta expresa berdadero expresion di identidad.
 |
Mustra/Kita e formulario di comentario
