Thursday, 21 August 2014
Awe ta habri e di tres exposicion di e Prome Encuentro Bienal di arte Caribense na galería Insight na Paradera # 213 Print E-mail
Friday, 17 August 2012 18:07

Image 3
E exposición ta yama: “Party Monster Museum” y e artista ta: Luis Salazar di Venezuela. Despues di e exitoso expo di arte publico “Giants in the City” , bou di curador Alejandro Mendoza di Cuba/Miami, den Wilhelmina Park, y e apertura dialuna anochi di e expo inovador y sorprendente “Territorios en Fuga” di artista local Alida Martinez, den Museo Historico Willem III Toren, awe nos ta sigi cu e tercer expo “Party Monster Museum”.

E artista Luis Salazar, ta un hoben artista merece mas cu algo otro predicado CONTEMPORANEO! Salazar ta sali for di nos realidad di un sociedad consumista y e ta forsa nos wak nos cara den spiel, pa medio di su arte, usando tur sorto di “disperdisio”. Na un manera confrontativo e ta mustra nos riba e monster scondi di consumismo, idolatría, status, marcanan di renombre, ‘life-style’, genero y procedencia den nos sociedadnan actual. E mensahe di Salazar su arte ta uno confrontativo, critico y auto-critico. E ttin un vista critico riba sociedad, pero na mes tempo e ta relativa e prepotencia di critisismo pa medio di arte. Innovativo, critico y desarmante ta loke por yama e instalación di Luis Salazar y sigur un inspiración pa discuti tocante e temanan, función di arte y practica di arte. Un invitación ta bay na tur hende cu tin interés pa arte y bienestar di nos comunidad na pecho pa bin admira e obra y instalacionnan di artista Luis Salazar, procedente di Venezuala na galería Insight na Paradera # 213. Apertura ta diabierna 17 augustus 2012 pa 7:00 pm y lo keda efectua pa Minister di Cultura, Sra. Michelle Hooyboer-Winklaar.

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter