Wednesday, 01 October 2014
Sra. Bertha Willems ganador maximo di e festival di cancion do Bernadina y Cecil Growel Print E-mail
Sunday, 26 August 2012 20:18

bern043
Comision Bernadina Growell ta sumamente satisfecho cu e multitud di persona cu a bishita e festival di cancionnan di Bernadina y Cecil Growell pa anima participantenan y goza di un anochi ameno cultural.

E comision sigur a keda encanta cu presencia di nos tata di cultura, sr. Padu Lampe y su distinguida famia y cu declamacion spontaneo di sra. Ruthy Vrieswijk. Tambe a reina un gran ambiente cu tres conhunto a crea den Centro esta e banda di tur tempo Sensacion del Cariba, tipico Tropical y tambe TIpico Kadushi Largo. E ganador absoluto a resulta e gran dama sr. Bertha WIllems, acompanja pa Sensacion del Caribe. Primer finalista tabata Jff. Jelitza Boekhoudt, segundo finalista juff. Joanne Werleman, Tercer finalista Roberto Orman, di cuater finalista tabata Jason Kelly tur acompanja pa tipico Kadushi Largo. E cantante mas popular tabata Joanne Werleman, mientras esun cu a bende mas caarchi tabata juffrouw Lourdes Stamper. Palabra di agradecimento ta bai na prensa cu e biaha aki a sostene e actividad, alavez na e huradonan bao di guia di sr. Roy Sneek cu semper ta dispuesto pa yuda. Tambe danki na e maestronan di ceremonia, Persey, She Preke y Marijke cu a haci un sublime trabao y voluntarionan di Centro di Bario Brazil bao guia di Chico Harms y di e comision mes. Alavez a resalta e decor criyoyo dor di sr. Mariano Bermudez. Comision Bernadina Growell a keda satisfecho di mira personanan di tur bario na Aruba den centro di Bario, bailando y conversando cu otro, locual a haci e festival mas grandi cu anja pasa y cu ta duna e comision animo pa otro anja bolbe organisa un evento como tal, kizas mas grandi ainda. Keda pendiente pa otro actividadnan den Centro di Bario Brazil entre otro elección di MOSA, diabierna awor dia 31 di augustus, Parada Cultural, bendemento dor di Santa Rosa y "openhouse di cas di Bernadina diadomingo awor dia 2 di september venidero.

gallery1 gallery1 gallery1
gallery1 gallery1  

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter