Wednesday, 16 April 2014
Mercado di Santa Rosa unbiaha mas un exito completo, e biaha aki pariba di brug celebrandio dia di Brazil Print E-mail
Tuesday, 04 September 2012 07:32
DSC_2063
Diadomingo 2 di September Santa Rosa tabata presenta na Centro di Bario Brazil unda cu den un forma grandioso a celebra hunto cu pueblo di Aruba dia di Brazil.

E dia aki tabata uno historico pa Santa Rosa ya cu pa prome biaha a tene un mercado pariba di brug, cual a mustra di ta un exito mirando e cantidad enorme di bishitante cu tabata presente.

Tur presente a disfruta di e dushi ambiente, cual a cuminsa for di 10or di mainta cu tonan musical di e banda tan gusta Tipico Zonido di Antano, sigui pa Tipico Alegre Kadushi Largo kende a pone tur hende baila cu nan ambiente orginal.

Diferente agrupacion tipico y autonan clasico a participa den e parada cultural, unda cu trahenan tipico a luci y alegra e caminda, den e forma aki recoradando un y tur riba e bunita historia y cultura di nos pais.

Por a tuma nota cu e habitantenan di pariba di brug a keda sumamente contento cu e mercado di Santa Rosa, cual a duna nan e oportunidad di cumpra nan productonan fresco local, productonan di aloe tanto pa cabey y cutis y matanan di fruta. Loke tambe tabata remarkabel ta e cantidad di hendenan cu a bin cu remedinan di tera traha na cas, mustrando e bunita custumernan di nos biewnan ainda tey presente.

Bishitantenan por a disfruta di diferente platonan crioyo manera cabrito stoba, papaya stoba y diferente sopinan pa cual mercado di Santa Rosa ta bon conoci pe.

Santa Rosa a extende palabranan di gradicimento na pueblo completo kende un biaha mas a mustra nan sosten na e agricultor y criador di bestianan local.

Den e forma aki Santa Rosa ta cumpli cu e vision di Minister di Turismo, Transporte y Labor, Otmar Oduber kende ta mira e importancia pa hiba e productonan local mas serca di e consumidornan.

Alavez Santa Rosa ta invita pueblo completo pa un mini mercado durante Carubbian Festival na San Nicolas dia 6 y 27 di September, unda cu lo hiba productonan local mas serca di consumidornan pariba di brug.

Tambe ta avisa pueblo pa keda pendiente pa e grandioso opendag “Fiesta di Cunuku” dia 7 di october na Centro di Bario Dakota.

dowers dowers dowers
dowers   

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter