Comision Bernadina Growell ta sumamente satisfecho cu e tur bishitante na e cas di Bernadina cu tabata habri pa publico diadomingo di parada den Bario di Brazil.Personanan di varios bario di Aruba a haci uzo di e oportunidad pa bishita e cas y por a aprecia tur loke difunta Mama di Cultura a laga pa su pueblo. Di fotonan, trofeo, te hasta e cama cu ela drumi riba dje, su bistirnan y acesorionan.

Tambe e comision ta gradici un y tur cu a bin presencia e Festival di cancion cu a tuma lugar den bario Brazil dedica na Bernadina y Cecil Growell, di cual a bira e maximo ganadora sra. Bertha Willems, sigui pa e otro ganadornan cu ta Jelitza Boekhoudt, promer finalista; Joanne Werleman, segunda finalista y esun mas popular, Roberto Orman, tercer finalista, Jason Kelly, di cuarto finalista. Lourdes Stamper ta esun cu a bai cu e premio di benta di mas caarchie. Felicitacion ta bai alavez dirigi na e banda Sensacion del Caribe, Brisas Tropical y na Tipico Kadushi Largo pa nan pasenshi y dedicacion pa train y guia e participantenan.

Comision Bernadina y Centro di Bario Brazil ta gradici Nos tata di Cultura, sr. Padu Lampe, su yiu muher y esposo cu a presencia varios evento. Tambe sra. Ruthy Vrieswijk pa su dedicatorio na Bernadina, mama di Angelo pa su bunita gesto.

Na Directiva y voluntarionan di Centro di Bario Brazil, Fundacion Pro Cultura Arubano, Pastoor Jairo Maduro, Mariano Bermudez, hobennan cu a yuda, Rumannan y famia di Bernadina, Sodo y cuero, nos team di voluntario y na tur cu a contribui pa medio di participacion y donacion masha masha danki. Na miembronan di prensa cu tin cultura na pecho alavez palabranan di gradicimento. Alavez e comision ta extende palabra di felicitacion na Directiva di Centro di Bario Brazil, sr. Mariano Bermudez y na tur voluntario pa e segundo grandioso parada cultural combina cu mercado di productonan local di Santa Rosa y promer cu esaki e promer certamen di MOSA cultural. A keda demostra cu den bario tin hopi dynamismo, creatividad y cu medionan limita tog por logra hopi. PABIEN BRAZIL y pueblo di Aruba cu e logro importante aki pa historia social-cultural di nos pais.

Comentarionan (1)

Mustra/Kita comentarionan

...

Esaki nos arubianonan tin cu aplaudi y celebra kos di nos.Cu tur respet pa e bonerianonan, ta kiko nos di Aruba tin di haber cu nan celebrashon ? Segun ami ta na nan mesun isla of na Hulanda nan mester hasie toch,p.e. un Bonaire dag. Un dia di celebrashon lo tawata suficiente pa honra e bonerianonan cu ta biba aki ,pero un siman ta dimas. Mi ta beniuewd si aya na Boneiro nan lo hasi mescos pa nos.

Quo-Vadis???? , September 04, 2012

• 
• +7
• 
• 

Duna Comentario y/of Comparti riba Social Medi

Mustra/Kita e formulario di comentario

Nomber

Email

Comentario

smaller | bigger

Subscribe via email (registered users only)

I have read and agree to the Terms of Usage.

Duna Comentario y/of Comparti riba Social Medi