Thursday, 18 September 2014
Encuentro Bienal Aruba ta presenta René Francisco Rodríguez di Cuba Print E-mail
Saturday, 22 September 2012 05:31

rene
Den e dianan aki ta di bishita na nos isla e artista Cubano René Francisco Rodriguez. E ta invitado special den e Prome Encuentro Bienal di Arte Contemporaneo di Caribe, Aruba 2011-2012. René Francisco ta artista y docente di arte na Instituto Superior de Arte, na La Habana, Cuba, ya desde década 80.

Además ela tuma e iniciativa pa e proyecto di pedagogía alternativa, yama “Desde una pragmática pedagógica”, cu ta un método novedoso di enseñanza di arte. Un cantidad significante di artistanan cubano di renombre internacional a haya nan formación pa medio di e método aki di René Francisco. Pa menciona un par di nan: Los Carpinteros, Tania Bruguera, Carlos Garaicoa y Wilfrido Prieto. Na aña 2011 René Francisco a ricibi e prestigioso Premio Nacional de Artes Plásticas de Cuba, pa su obranan artístico destacá y su carrera productivo aunque sea joven. Como artista René Francisco ta practica pintura, arte obheto, instalación, performance y video. Ela tene mas cu 30 exposicionnan solo na diferente país, manera Alemania, Canada, Cuba, Estados Unidos, Israel, Jamaica, Mexico. Su ultimo exposición ela inaugura na China. Fuera di su exposicionnan solo, René Francisco a participa na mas cu 60 exposicionnan colectivo y eventonan internacional rond mundo, manera: Bienal di Sao Paolo, Bienal di Venecia, Bienal de La Habana, Bienal de Pontevedra (Spaña), Bienal di Thessaloniki (Grecia) y Bienal Iberoamericana di Lima, Peru además di ferianan ARCO di Madrid y Art Basel na Miami. Na Aruba René Francisco lo desaroya un programa cu ta contene 3 actividad. E prome ta di dia 24 di september pa dia 29 di september próximo: un workshop yamá: “Con el mismo sabor a boca. Mano a mano”, dirigi principalmente riba artista di nos paίs. E workshop lo tuma luga na: WESTIN Hotels & Resorts cuminsando 24 October te cu dia 29 October, 2012 di 4:00 pm -7:30 pm. Tambe René Francisco lo tene un exhibición personal di video na galería “Insight Foundation for the Arts” na Paradera # 215. Apertura di e exhibición di video lo riba 25 september 2012 pa 7:30 pm. Y diahuebs 27 di september 2012 di 7:00 pa 9:00 pm René Francisco lo tene un charla publico tocante su visión y su experiencia como artista y docente di arte na Cas di Cultura. Esnan interesa pa participa na e workshop por inscribi yamando na telefon 588 6868 di Cede Bienal of via info@encuentroartaruba.org

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter