Saturday, 23 August 2014
Mercado di Santa Rosa na Dakota tabata Grandioso Print E-mail
Monday, 08 October 2012 16:04
DSC_2063
Diadomingo Santa Rosa a celebra dia di cunuku den un forma grandioso cu nan “Fiesta di Cunuku” na Centro di bario Dakota.

Un magnitud grandi di bishitante tabata presente y a disfruta di e dushi ambiente cu bandanan y show di baile tipico.

E muchanan a pasa dushi den e “kids corner” unda cu nan a hunga den Dino Jump, wak e bestianan di Santa Rosa su “mini kinderboerderij” y a difruta di e show di payaso Keke.

Por a tuma nota cu tabatin un cantidad grandi di stand colorido bendiendo cumindanan crioyo manera entre otro e tan gusta sopi y hasta nuggets di lion fish. Tambe por a disfruta di diferente cumindanan riba grill manera cabrito, porco, hot dog, spare ribs y e popular sanger yena. Diferente sopi y stobanan cu funchi of pan bati por a wordo cumpra y saboria di inmediato bou di e tentnan grandi cu stoel y mesa cual tabata completamente yen.

Ta di elogia con varios bendedor di cuminda y producto local a bisti panjanan tipico cual a duna e dia un toce extra cultural.

Santa Rosa tambe a duna e oportunidad na bishitantenan pa cumpra diferente matanan di fruta manera entre otro sorsaka, apelsina, guyaba, tamarijn y scopapel. Tambe tabatin standnan beniendo productonan local y remedinan di tera.

E “fiesta di cunuku” tabata sumamente exitoso unda cu for di 10or di mainta te cu atardi 5or bishitantenan a disfruta y duna sosten na e agricultor y criadornan local.

Ta admirabel pa mira con pueblo completo ta sostene e mercadonan di Santa Rosa y pa esaki famia completo di Santa Rosa ta manda palabranan di gradicimento na tur esnan cu tabata presente.

Alaves Santa Rosa kier invita pueblo completo pa e sigiente mercado di Santa Rosa cu lo tuma lugar dia ……………………………… na ………………………

dowers dowers dowers
dowers   

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter