Monday, 28 July 2014
Tende canto di Trupialnan - Na caminda pa nos 60 aña Print E-mail
Thursday, 11 October 2012 14:13
DSC_2063
Pues e momento a yega pa presentacion di e tan spera obra "E Perla di Caribe" di Hubert Booi. Despues di lunanan di preparacion nan ta cla pa e premiere di e bunita obra aki. Premiere "E Perla di Caribe" Diabierna 3 di Juni pa 8'or di anochi den sala di De Veer Theater.

E obra ta basa ariba un leyenda indjan cu ta conta di e bishita di un barco pirata na e isla di Aruba tempo cu e Indjanan Caribe tabata biba aki. E ta conta di un calco cu un di e indjannan a coi na Balashi y cu e calco aki ta pronostica yegada di un barco pirata y cu nan lo trece hopi problema bao di e indjanan. Y en berdad e barco a yega. E piratanan kier a sconde un tesoro na Balashi. Den e cuatro bedrijf nan por wak con e indjannan a tuma e noticia, e yegada di e barco pirata, con e piratanan ta haya problema cu otro y na final con e barco ta bai. Den e obra aki a participa 28 hoben Trupial. Cacique Balashi - E. Mansur, Bushiribana hacido di bruha - S. Lampe, Indiannan: Basiruti - R. Leonardo, Wowo di warawara - R. Brete, Buguruy - F. Oduber, Butucu - P. Fanson, Arashi - E. Marchena, Bubali - J. Tromp, Jucuri - R. Kock, Macuarima - D. Tromp, Daimari - R. Tromp, Matoguerai - G. Diaz, Catashi - F. Jeandor, Cudarebe - A. Marin, Urirana - N. Lacle, Turibana - W. Kock, Siribana - R. Petit, Indian preso - W. Kelly. Capitan di piratanan - Al. Quilotte, Piratanan: Federico - E. Boekhoudt, Felipe - J. deMey, Antonio - R. Doedel, Enrique - V. Kelly, Ricardo - L. Rivadeneira, Juan - J. Helder, Pedro - E. Kelly. Sr. Hubert Booi ta conta cu e sa hopi di e indjannan pasobra su tata tabata un tempo prisonero di e indjannan na Venezuela. Su tata a conte hopi di nan tradicionnan y costumber nan. Sr. A. Morales, cu ta un desendiente di indjan di Colombia, pero biba hopi aña na Aruba a diseña e trahenan y Zuster Irena a cosenan. E bunita decor: un bista di laman, barancanan, un bunita mata di Pita, bunita tent di indjan, un cueba, tabata na encargo di D. Codpa y P. Jansen. Schmink tabata na encargo di Frere Adrianus cu por cierto a biba un temporada bao di e indjannan. Luz tabata den man di L.v. Doren y su asistentenan.

Y claro e motor tras di tur esaki tabata Frere Alexius. Despues di e premiere exitoso aki tabata tin un matinee dia 8 di Juni pa 4or di atardi den De Veer Theater. 17 di Juni 7.30 - E Perla di Caribe den Club San Martin na Santa Cruz 18 di Juni 4'or - E Perla di Caribe den Club San Martin na Santa Cruz 24 di Juni Cecilia Club San Nicolas 25 di Juni Cecilia Club San Nicolas 3 di Juli  Club Don Bosco na Noord. Pues atrobe De Trupialen tabata tin presentacionnan hopi exitoso tras di lomba. Salanan yen, hopi hende cu ainda no a logra haya kaarchi pa nan a wak e bunita obra original aki. Mester remarca cu te awe ainda De Trupialen tin den nan repertorio e bunita cancion d e obra aki: "Ora Ubao". Asina tambe temporada di vakantie a yega y Frerenan a organiza un buitendag tremendo pa e muchanan. Dia 16 di Juli despues di misa e muchanan a sali cu bus pa beach na Pova. Ey nan a keda te 11'or y despues nan a sali pa Savaneta pa cas di frerenan pa nan almuerzo. Despues nan a bai pasando den Santa Cruz, pa e grotnan di Fontein. Di aki nan a bai Grapefield, caminda nan a bai hunga voetbal, vlagveroveren y mas weganan. Ora anochi a sera nan a haci un kampvuur y nan a traha pannekoeken. Y claro rond di un kampvuur mester conta un storia, of canta,of algo otro. Tabata tin dos premio, un rolschaats y un bala di voetbal, pa e dos miho presentacion rond di e kampvuur.

dowers dowers dowers
dowers dowers dowers
dowers dowers dowers

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter