Thursday, 21 August 2014
Departamento di cultura aruba conhuntamente cu otro departamento di gobierno y fundacion nan ta organisa 'contacto cultural aruba 2012' Print E-mail
Thursday, 11 October 2012 14:54
DSC_2063
Departamento di Cultura Aruba (DCA) conhuntamente Archivo Nacional Aruba (ANA), Departamento di Agricultura, Cria y Pesca (Santa Rosa, DLVV), Biblioteca Nacional Aruba (BNA), Fundaciona Desaroyo Educativo Comunitario (FDEC), Fundacion Parke Nacional Arikok (PNA), Fundacion Rancho, Museo Archeologico Nacional Aruba (MANA) ta trahando pa bay tin nan proyecto escolar 'Contacto Cultural Aruba 2012'.

E proyecto aki lo bay tuma luga for di diamars 16 di october te cu diabierna 19 di october 2012 for di 9'or di mainta te cu 12'or di merdia. E aña aki 'Contacto Cultural Escolar ta tuma luga den edificio di Departamento di Cultura Aruba, situa na Juan E. Irausquinplein # 2-A, na Oranjestad.

'Contacto Cultural Aruba' ta un proyecto escolar cu ta ser organisa tur aña conhuntamente cu diferente departamento gubernamental y fundacionnan di Aruba.

Durante 6 aña consecutivo ta organisa e proyecto aki pa presenta diferente topico di interes of trabounan cultural. E tema di e aña aki ta nos cuatro element como homenahe na nos naturalesa pa refleha e poder di naturalesa y importancia di e cuatro elemento, esta tera, awa, biento y candela, tanto pa nos bida diario, como tambe pa un desaroyo di un cultura den nos sociedad.

Intencion di e proyecto escolar ta pa realisa esaki pa scolnan basico pa comparti y promove informacionnan cultural y siña nos muchanan respeta nos naturalesa.

E temanan ta pa comparti y promove e contacto directo cu e muchanan di scolnan basico di Aruba, tanto maestro, mayornan y publico en general. Di e manera aki nan ta ricibi e informacion valioso cu ta keda traspasa di generacion pa generacion cu e fin di conserva nos rikesa y herencia cultural.

Tur esaki presenta di un forma artistico, creativo, unico, directo y hopi original.

Mirando cu e aña aki ta ser dedica na e cuater elemento, como homenahe na nos naturalesa, DCA a invita otro departamento di gobierno y fundacionanan pa forma parti di e celebracion pa loke ta trata e aña 2012.

E instancianan menciona aki riba cu ta participa di e forma aki a uni forsa pa mustra e hobennan, cuanto beneficio e elementonan aki ta ofrece nos cada dia y con nan ta ser uza den nos trabou diario pa brinda beneficio y yuda cu e desaroyo di nos pais Aruba.

Di e manera aki nos ta trata di laga e hobennan sinti nan mes como parti esencial y special di nos naturalesa. Tambe tur esaki ta pa refleha y resalta diferente aspecto di nos cultura cu ta laga nos mira nos mes internamente y yuda nos compronde ta ken nos ta y con rico nos ta.

Otro meta di e proyecto ta pa duna e departamento-, instancia- y fundacionnan oportunidad pa den un forma educativo laga e alumnonan cera conoci cu nan respectivo trabou riba tereno cultural y tambe pa informa di e diferente servicio cu nan ta brinda na nos comunidad.

E meta principal ta keda pa duna oportunidad na tur scol participante y publico en general pa haci pregunta riba cada topico cu ta ser presenta.

Manera menciona mas ariba, e proyecto aki ta pa publico en general. P’esey nos ta invita mayornan y publico en general cu nan por pasa bishita nos durante e maintanan aki for di diamars 16 di October te cu diabierna 19 di October 2012, for di 9’or di mainta.

Un suplica ta bay na gruponan di adulto cu kier bishita e proyecto aki pa tuma contacto cu Departamento di Cultura Aruba na telefoon 582-2185, p’asina nos por acomoda nan eficientemente.

dowers dowers dowers
dowers   

Comentarionan (2)Add Comment
Hubert1950
November 19, 2012
201.229.31.80
Votes: +1
...

Nan sa kiko ta cltura si?

RSA
October 11, 2012
201.229.6.69
Votes: -1
...

Ta ami so ta observa cu departamentonan ta neglisha maneho "GREEN" di Gobierno ; e nomber corecto pa e projecto aki mester tabata "CONTACTO c*lTURAL GREEN ARUBA 2012" .Por fabor mas respet pa nos maneho GREEN.

Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter