Tuesday, 02 September 2014
Cultura
Exposicion Bentana di Antaño Dia 18 di Maart Print E-mail
Monday, 02 March 2009 20:00
Read more...Fundacion Amigonan di Archivo conhuntamente cu Archivo Nacional Aruba ta invita pueblo di Aruba pa bin celebra dia di Himno y Bandera na Archivo Nacional Aruba cu un Festividad Cultural Nacional di 10’or di mainta pa 4’or di atardi na Sabana Blanco 60. Nos intencion ta pa riba un dia special manera 18 di maart pone enfasis riba nos cultura, nos custumbernan y nos pasado.  E lo ta un dia hopi informativo, educativo y creativo pa tur nos bishitantenan. Click read more pa mas informacion.
 
Ultimo dia pa inscribi pa desfile dia 9 di maart Print E-mail
Wednesday, 18 February 2009 20:00

Read more...Manera ta un tradicion caba tur aña riba nos Dia Nacional, esta riba dia di celebracion di Himno y Bandera ta tuma lugar na Plaza Libertador Betico Croes un ceremonia protocolar sigui pa e desfile di diferente grupo uniforma cu ta traha tanto riba tereno cultural, social y deportivo. Durante e ultimo añanan e cantidad di gruponan a crece drasticamente y ta un orguyo pa mira tur e participantenan contribui na duna realse na nos Dia Nacional. Pa por coordina e evento aki den un forma structura y eficiente, Comision Celebracion Dianan Nacional (CCDN) a stipula como e ultimo dia pa inscribi, dialuna 9 di maart 2009.

 
Access Art y Fundacion Pro Crea lo sera Print E-mail
Wednesday, 11 February 2009 20:00
Read more...Manera ta conoci Fundashon Pro Crea conjuntamente cu Access Art a bin ta realiza un labor importante pa promocion di cultura pa e ultimo cinco aña y mei.Durante e añanan aki alrededor di 53 Exposishon di Arte Visual a wordo presenta i tambe 24 presentashon di musica, baile i teatro. Sin lubida nos anochinan di cinenan international semanal. Adicionalmente Fundashon Pro Crea a trece un programa di educashon cultural pa mucha “Arte ta Nos” unda cu pa mas cu tres aña muchanan di tur parti di Aruba a ser brinda e oportunidad pa bishita e galeria cu nan zesde klas pa asina siña di e historia di arte di Aruba y alavez practica via un workshop locual cu nan a caba di siña.
 
De Trupialen ta cumplii 56 anja di existencia Print E-mail
Wednesday, 14 January 2009 05:16
Read more...De Trupialen ta celebra 56 aña di existencia. Cu hopi satisfaccion nos por mira riba un trabou cu a yena nos y tur cu ta, y tabata Trupial, cu hopi orguyo. Trupial ta representa un cara solido di cultura y custumbernan di nos comunidad, cu pa añas a keda marca den profondo di nos curason. E Trupialnan a canta y ta canta ainda den tur skina di Aruba, hibando e canto alegre pa nos digno pueblo por gosa di dje. E estilo di “De Trupialen” a keda conserva pa añanan largo y si bo mester tende nan, mesora bo por sera wowo y bisa: “esakinan ta De Trupialen”. Añanan di goso y alegria ta pasa bai y nos ta spera cu forsa di Dios Tata, cu "De Trupialen" lo por brinda e pueblo di Aruba cantonan alegre pa hopi aña mas.
 

 
Exitoso anja na Cas di Cultura Print E-mail
Wednesday, 17 December 2008 20:00

Read more...E aña aki atrobe tabata un aña druk y interesante pa Cas di Cultura. Nos a celebra nos 50 aniversario cu nos Dia Publico riba 18 di maart, e exposicion “Spirito di Tempo” na october y e obra multidisciplinario “Mind Your Gap” na november. Tur tabata actividadnan masha comenta mes, den tur sentido. Nos ta contento cu nos a incentiva e discucion artistico-cultural cu ta hopi importante pa e desaroyo di e ramo aki riba nos isla. Quisas mas importante, ta e hecho cu nos a percura pa un total di 207 actividad por a tuma lugar den “cas” na 2008.

 
National Museum of Aruba a cuminsa installa exposicion Print E-mail
Wednesday, 03 December 2008 07:08

Read more...Den cuadro di e proyecto 'National Museum of Aruba', pa crea un ubicacion y facildadnan nobo pa Museo Arqueologico Aruba, lo cuminza instala e exposicion nobo di Museo Arqueologico den e prome siman di December. Ta desea di duna publico Arubano informacion tocante esaki. Pa es motibo a duna un Conferencia di Prensa caminda a splica mas sigun sra vivian ruiz

Vivian Ruiz(part1)

 

Vivian Ruiz(part2)

Vivian Ruiz(part3)

 

 

 

 

 
Presentacion alegre di Dolfi y Belen Print E-mail
Friday, 21 November 2008 18:32
Read more...Na Oktober bibliotecarianan a bishita e Casnan di Anciano y tambe Cas Marie hunto cu Sr. Dolfi Kock y Sra. Belen Kock-Marchena. Nan a duna bunita presentacion na e diferente casnan. Belen a declama bunita poesia y Dolfi a conta e storia di e ‘Gulidor golos’. Tur hende a keda encanta cu e presentacion di e pareha Kock cu tabata agradabel, dushi, combina cu bon humor y atencion pa e publico! Dolfi a canta tambe y a declama poesia di amor pa Belen masha romantico.
 
<< Start < Prev 51 52 53 54 55 56 57 58 59 60 Next > End >>

Page 53 of 64

Connect with Us

Newsletter