| ERA a celebra nan 30 aña den Farandula cu un grandioso publico den WTC |
 |
 |
| Wednesday, 11 April 2012 11:25 |
|
E popular agrupacion musical cu tabata domina e Mercado farandulero specialmente den e epoca di 80/90 y tambe den 2000, a celebra nan 30 aña consistente den e prestigioso WTC cu presencia di 1500 hende. Como invitadonan pa e gran celebracion aki tabata tin presentacion tambe di Claudius & OREO y e famoso cantante dominicanco Fernandito Villalona. 24ora.com/Den Ambiente ta felicita ERA pa nan 30 aña den e mundo di Farandula y ta deseanan hopi aña mas di exito y consistencia. Awe Den Ambiente ta presenta cada presentacion di e agrupacionnan cu foto y video. Klick pa aprecia e presentacion di ERA.
Kenneth Mambre, Shannon Fraay, Rudsel "Little" Leito, Layo Virginie, (dilanti) Gibi Emelina y Boy Thode, tabata e prome seis integrantenan cu a ser forma 30 aña pasa bao di e nomber di "Cariño di 6" y despues cu e exitonan a bira asina grandi nan a expande cu mas integrante cu a pone cu nan mester a cambia e nomber pa ERA (Expresando Ritmo y Ambiente). Tur e seis integrantenan tabata presente y nan tabata tin e honor pa habri e grandioso celebracion dilanti un grandioso publico den WTC.
Lio Rosa, Moises Ramos, Boy Thode y Tico Balentien tabata un di e front line mas exitoso durante e epoca glorioso di ERA.
|
Mustra/Kita e formulario di comentario
