E aña aki Setar NV lo bai cumpli 10 aña ta organisa nan nr1 Family Egghunt, cual lo bai ser celebra cu mucho mas premio y actividad riba Renaissance Market Place y lo clausura den tremendo ambiente cu presentacionnan di Rincon Boyz y Tsunami. Andreina Kock Marketing Exutive di Setar NV lo conta di tur loke por bai ser spera durante henter e dia di e gran celebracion di 10 aña di Setar NV su nr1 Family Egghunt 2012.
Awe ta bo oportunidad pa ta e feliz ganador di e rifa di Stichting Thuiszorg Aruba pa e auto Kia Picanto.
Saturday, 31 March 2012 11:27
Awe henter dia na Stichting Thuiszorg Aruba na Jaburibari henter e pueblo di Aruba ta keda cordialmente invita pa pasa y purba bo suerte pa gana e brand new Kia Picanto pa solamente 5 florin. Tambe por saborea diferente sandwichnan crioyo manera pan cu kerri kerie, sanger yena, bacalao, sate, tuna y tambe soppie oester. Di 5'or pa 6'or di atardi lo bai tin presentacion di Rincon Boyz y Pa 6'or di atardi exactamente lo saca e feliz ganador.
Durante celebracion di Arubadag Ruben Scorpio Garcia a demostra pakico e ta e MC mas preferi di Aruba.
Friday, 30 March 2012 10:59
Aruba por ta orguyoso di a ser Bendishona cu un talentoso animador den persona di Ruben "Scorpio" Garcia kende un biaha mas a realiza un magnifico trabao com MC durante e grandioso y exitoso celebracion di Arubadag den Broodfabriek na Rijswijk, Hulanda. Fotonan cu Den Ambiente ta presenta mes ta prueba con Ruben Garcia tabata tin e publicol den un euforia total.
Youth Extreme a demostra cu nan ta un di e bandanan mas popular di Aruba na Hulanda. Porcierto cu Youth Extreme a ser forma cu studiantenan na Hulanda y despues cu nan a termina cu nan estudio nan a sigi cu e banda na Aruba y a bira un di a bandanan mas gusta pa tanto e juventud como e pueblo engeneral.
Diabierna ultimo dos anochi prome cu e celebacion di Arubadag Arubianonan den nan mayoria residencia na Rotterdam a forma un tremendo ambiente Arubiano den Club Eclipse na Rotterdam cu presentacion nan di Upgrade Music, Youth Extreme, Dj Sky y cu transmision enbibo di radio-dushi.com cual ta e unico radio emisora riba internet na Hulanda.
Youth Extreme cu un tremendisimo presentacion a clausura e exitoso celebracion di Arubadag 2012.
Tuesday, 27 March 2012 16:21
Dim lightsYouth Extreme tabata tin e honor pa clausura e grandioso celebracion di Arubadag y nan no a defrauda e seis mil hendenan cu tabata spera riba nan. Youth Extreme pa mas cu 1 ora largo a deleita e publico cu nan tremendo repertorio y a clausura e grandioso celebracion den un exito rotundo. E video den e pagina aki mes ta papia tur cos.
E Reynan di Ambiente di Musica Crioyo Rincon Boyz a pone tur hende goza durante e celebracion di Arubadag
Tuesday, 27 March 2012 12:07
Dim lights
Rincon Boyz reconoci comoe Reynan di Ambiente den musica crioyo, a pone tur hende goza sin fin durante e grandioso celebracion di Arubadag. Rincon Boyz a goza di un admiracion grandi na momento cu nan a inclui e clasico cancion "Abo So" den nan repertorio cu hasta a pone un pareha Arubiano cu ta biba mas cu 25 aña na Hulanda, esta Emerita y Benky Eckmeyer duna un show con ta baila e wals. Den e video por aprecia e pareha bailando e wals clasico di Padu del Caribe "Abo So" presenta den un forma creativo pa Rincon Boyz.
Upgrade Music a planta ambiente durante celebracion di Arubadag
Tuesday, 27 March 2012 08:11
Dim lights
E popularisimo joven cantautor Biggyboy y su banda Upgrade Music a pone un tremendo ambiente durante e celebracion di Arubadag. Specialmente e juventud a keda masha contento di por a goza di e joven popular banda musical cu actualmente ta causando furor na Hulanda cu nan multiple hitnan. Klick pa mira con Upgrade Music a planta ambiente den Broodfabriek Rijswijk durante e exitoso celebracion di Arubadag.
Naturalmente e ambiente di Arubadag no por sin presentacion di un brassband y biaha aki tabata tin dos brassband pa anima e ambiente cualnan tabata Earthquake Brassband y Latin Culture. Tambe dos banda di soca forma pa Arubianonan residencia na Hulanda a duna un tremendo presentacion. Klicl lesa mas pa mira e video di e tremendo ambiente.
