| El Moutawakel: Spotlight lo ta riba Rio despues di London 2012 |
 |
 |
| Friday, 08 June 2012 19:33 |
|
Rio de Janeiro a wordo adverti cu nan mester agilisa e preparacionnan pa e Weganan Olimpico y Paralimpico di 2016 despues cu London termina, sin an keir keda clan a tempo. E Comision di Coordinacion di Comite Olimpico Internacional, presidi pa Nawal El Moutawakel di Marocco, a finalisa su bishita annual di tres dia na e ciudad di Rio de Janeiro y a expresa cierto preocupacion suavemente cu cosnan ta cayendo atras. El Moutawakel a adverti cu e focus di henter mundo lo ta firmemente riba Rio despues cu su alcalde ricibi e bandera Olimpico den un poco mas cu 60 dia na London. “Tin hopi trabou cu mester wordo complete entre awor y 2016”, El Moutawakel a bisa. “No tin tempo pa perde. Holoshi lo ta canando riba 12 di augustus ora cu boso Alcalde ricibi e bandera. Tur wowo lo ta riba Rio.” “Rio a hasi progreso hopi grandi desde e bishita di e Comision di Coordinacion na juni 2011, creando un bista cla di e rolnan y responsabilidadnan di e diferente stakeholders envolvi den e Weganan, como tambe definiendo deadlines pa e proyecto. Nos sa cu una bes cu e edicion anterior di Weganan yega nan final, e futuro organizadornan mester pasa pa e fase di implementacion y Rio lo no ta un excepcion den esaki.” Preparacionnan pa e Copa Mundial di futbol di Brasil 2014 a wordo domina pa discusión entre oficialnan y FIFA tocante retraso den construcción. Comision di Coordinacion di IOC ta bias bon cla cu nan ta keda cu confianza cu tin suficiente tempo pa termina loke ta necesario, pero cu nan mester keda cu focus riba loke tin cu hasi. “E ta birando cla cu e fechanan pa entrega di e proyectonan ta hopi tight y cu tin hopi trabou pa hasi ainda,” El Moutawakel ta splica. E Comision a bisa cu sigurando pa e instalacionnan deportivo keda cla ta prioridad awor aki, como tambe pa sigura cu tur nivel di gobierno keda traha estrechamente cu otro pa finalisa e mas cu 260 proyecto pa e Weganan. “E celebracion exitoso di e proyecto di Rio ta keda requeri un nivel fuerte di integracion entre tur e stakeholders”, El Moutawakel ta sigui bisa. “Tabata un placer pa por a conta cu presencia di tur e diferente nivelnan di gobierno aki presente cu nos e siman aki, nan apoyo ta vital pa e éxito di e proyecto. Mi ta keda cu confianza pa cu e integración y unión entre e tres nivelnan di gobierno, Rio 2016 y otro partnernan.” Representantenan di e ciudad a admiti cu un di nan preocupacionnan ta cu e construcción di e Parke Olimpico y e complejo di Deodoro, cu ta ensera 18 sitio di competición. Ainda no a inicia construcción, pero Alcalde Eduardo Paes ta convenci cu construcción lo inicia pronto y cu nan lo cumpli cu fechanan limite. “Nos sa cu nos mester enfoca riba e instalacionnan deportivo. Hopi di nan ta programa pa cuminsa na 2013 y tur instalación deportivo mester ta cla pa medio 2015 y comienzo di 2016, di acuerdo cu exigencia di IOC.” Despues di e Weganan Olimpico di London, e bishitanan di e Comision di Coordinacion lo bira mas frecuente y cu esaki tambe e nivel di monitoreo di e progreso. Weganan Olimpico di Rio lo tuma lugar di 5 te cu 21 di augustus 2016. |
Mustra/Kita e formulario di comentario
