| Team Aruba kla pa caredanan na Virginia |
 |
 |
| Thursday, 21 June 2012 18:50 |
 Ja ta casi un aña pasa cu ADRL a perde un gran coredo di Extreme PRO Stock na Dragstock VII. Esaki tabata nada menos cu Bert Jackson. E weekend aki ADRL lo ta di bishita na Bert Jackson su pista di “cas” cu ta Virginia Motorsports Park. Hopi di e team nan lo dedica e weekend aki na memoria di nan colega coredo. Pa Trevor Eman coredo di Team Aruba e weekend aki lo ta un weekend cu hopi emotion. Trevor tabata e ultimo coredo cu a core contra di Bert Jackson durante su ultimo careda prome cu e tragedia.“Mi no ta mustra mi emotion nan liher” Trevor a cuminsa ta bisa, “Pero mi tin cu admiti cu e weekend aki lo bai ta pisa. E caredanan mes ta duro y sa cu e no tey mas. Pero alabes e weekend lo bira un weekend special pa core aki na Bert su cas. Nos di Team Aruba lo dedica e weekend aki na su memoria. Despues di e tragedia aña pasa na Rockingham mi a logra cambia mi uniform cu esun di Enoch Love team manager di Bert Jackson. Mi lo bisti esaki e weekend aki y tambe durante e parada di “Missing man” cu nos tin nan lo core den honor di Bert prome cu caredanan. “ “Mi ta spera door di core bow colornan di Bert su team kisas esaki por trece nos e extra cu nos mester pa por gana e weekend aki. Ultimo careda nos a core caba e final y a perde pa 6 pia. Nos tabata hopi desapunta di tabata asna serca y toch no logra. Esaki a haci cu nos tur den e team ta cayente pa gana. Bo no sa nunca pero nos tin un momentum awor y si nos wante nos tin chens gana e weekend ki.” Tin di nota cu memoria di Bert Jackson ainda ta biba bow di e coredonan y cu hopi di nan lo dedica e weekend na su honor. “Apesar di tur cos mi sa cu Team Aruba su auto ta kla pa gana mas careda.” Trevor a sig, “Kisas mi tin suerte cu Bert lo ta mi co-pilot e weekend ki y cu hasta mi lo tende bisa “Come on Driver!” un biaha mas. Nos tur tin su falta den pits y riba pista!” Pa keda na altura di tur movicion di Team Aruba bishita nan fanpage www.facebook.com/teamarubaracing of awor tambe nan Twitterpage - @Team ArubaRacing unda bo lo tin resultado di caredanan, evenementonan cu Team Aruba ta atende, video y differente potretnan. Naturalmente bo por laga bo comentario y tambe bo apoyo pa Team Aruba! Pa T-shirtnan di Team Aruba por pasa Sparetime den Royal Plaza |
Mustra/Kita e formulario di comentario
