| Torneo Copa Andre Ooijer a continua |
 |
 |
| Monday, 25 June 2012 15:48 | ||||||
 E proyecto aki ta un iniciativa di ministerio di deporte, cu Minister dr. Richard Visser ta apoya y sostene completamente. Pa asina sigi cu e progreso di deporte aki na Aruba. Resultadonan di diaberna ultimo: atardi a tuma luga den categoria “Jongens” RCA contra Dakota unda cu RCA a gana cu score di 3 pa 2. Despues a sigi e partido di Britannia contra Nacional/Washington cu a termina 4 pa 0 na fabor di Nacional/Washington. Diasabra tabata e categoria “Meisjes” pa luci riba tereno y demostra cu nan tambe por. E prome wega tabata entre Bubali y RCA unda Gilia Croes a anota e unico gol pa duna Bubali e victoria. Su tras a sigi Arsenal enfrentando e muchanan di Savaneta Stars unda Savaneta a golia Arsenal 6 pa 0 cu golnan di Michella Ruiz 2x, Jeyceline Werleman, Joyceline Ras y Kaylee-Sue Danies. Ultimo wega pa diasabra tabata entre Santa Fe y Britannia cu a keda empata na un. Gol di Santa Fe anota pa Melissa Perez y di Britannia ta Margenine Kock. Diadomingo atardi a continua e Copa Andre Ooijer categoria “Meisjes” unda cu Britannia a gana Arsenal cu score di 4 pa 1 cu golnan anota pa Lizienne Maduro, Yelitza Ras, Lurianny Dirksz y Mylene Croes. Arsenal su unico gol a wordo anota pa Andreina Morillo. E di dos partido a bai entre Savaneta Stars y Bubali cu a termina cu un gol di Joyceline Irausquin cu a duna Bubali e victoria. Y e ultimo wega a hunga RCA contra di RCS cual RCA a gana cu score di 2 pa 1 cu golnan di Xaviera Sabajo 2x y pa RCS a anota Jerylaine Peña. Diaranson awor e weganan ta continua riba veld di YARA unda Britannia lo enfrenta RCS pa 5or di atardi. Pa mas informacion subi e website na www.scorepasalud.com y ricibi ful e schedule y orarionan di e weganan. Mayornan y pueblo di Aruba completo ta invita pa asina asisti na e torneo aki y apoya boso team preferi. Alabes inscribi na e Andre Ooijer Clinic cual lo tuma lugar e fin di siman 6, 7 y 8 di juli. Edad pa participa ta di 7 aña pa 17 aña di edad. Inscribi na www.scorepasalud.com.
|
Mustra/Kita e formulario di comentario
