Friday, 31 October 2014
E campeonato mas importante di tenis di mesa diadomingo awo, Copa Aruba Individual Print E-mail
Wednesday, 05 December 2012 10:42
DSC_2063
Diadomingo awo, Aruba Table Tennis Association ta organisa e torneo di mas importante di aña, esta e campeonato nacional conosi como Copa Aruba Individual.

Durante henter e aña atletanan a competi den e diferente torneonan festivo y ranking nan mensual. Den cada categoria diferente atleta ta sali campeon durante e aña, pero ken lo bay cu e titulo mayor e aña aki?

Diadomingo awo porta ta habri 9or di mainta pa inscribi y warm-up pa asina 10or e torneo di mas importante inicia. E categorianan cu tin ta: mucha muher bou 18 aña, mucha homber bou 10, 14 y 18 aña, categoria Special, B-klas, Masters y Open. Inscripcion ta fl. 15,= pa miembronan di ATTA y fl. 25,= pa no-miembro. Cu inscripcion lo ricibi bon pa un snack y juice y tambe e chens pa gana un di e doorprizesnan na final di e torneo.

ATTA kier a invita henter pueblo di Aruba pa bin aprecia e deporte aki cu tur su categorianan na e nivel di mas halto cu Aruba tin di ofrece. Ademas nos kier invita tur hende cu ta hunga ping pong den nan balcon, garashi, of un centro di bario, pa bin participa y kisas bo lo sorprende bo mes con bon bo ta caba.

Pa mas informaccion por tuma contacto cu ATTA na 563 4400 of via facebook: Aruba Table Tennis.

 

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter