Friday, 28 November 2014
Futbol international Aruba ta topa Boneiro den u-17 Print E-mail
Wednesday, 05 December 2012 15:33
Comparti
DSC_2063
E futbol di Aruba ta den desarollo y AVB a dicidi di hinca mas recurso den loke mester bira e futuro di futbol di Aruba. Pa es motibo aki a programa un wega internacional pa diasabra awor ora cu e Selecshon U-17 di Aruba lo topa Noord Salinja Kids di Bonairo.

E team di Aruba ta consisti di jugadornan di e edadnan 15 pa 17 anja y tin un poco mas cu un luna preparando pa e compromiso aki. E experencia entrenador Herbert Beeldsnijder lo ta encarga cu e team aki y tin e responsablidad di demostra cu Aruba tin futuro den futbol. E team di Noord Salinja Kids ta un team cu ta train bou guia profeshonal di KNVB y ta consisti di e mihor prospecto nan di Bonairo. Sigur un wega bastante interesante unda cu Aruba lo por midi su futbol na nivel juvenil y e ta un iniciativa di AVB pa asina cuminsa stimula y invirti mas den futbol juvenil. Un invitashon ta bai na tur e fanaticada di futbol di Aruba. Bin bisti na blauw cu geel, bin cu bo bandera, y bin apoyo nos selecshon local den e compromiso aki. Lo tin un premio pa e fanatico mas original. E tereno di wega lo ta Compleho Deportivo Frans Figaroa. Y bala ta cuminsa lora pa 11 or di mainta. En conecshon cu e compromiso international aki, tur wega di Divishon Menor programa pa diasabra awor a wordu cancela. Pa mas informashon sigui futbol di Aruba via facebook AVBaruba of e website www.AVBaruba.aw.

 

 

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
Comparti
 

Connect with Us

Newsletter