Wednesday, 17 September 2014
Futbol Femenino ta inicia den stadion di Frans Figaroa na Noord Print E-mail
Thursday, 06 December 2012 16:25

futbol
Despues di dos anja di ausencia, futbol femenino lo haci su reaparicion na Aruba. Diabierna 7 di december lo inicia un etapa nobo den futbol femenino ora cu e ceremonia di apertura tuma lugar den Centro Deportivo Frans Figaroa na Noord cu 10 club participando. E liga nobo di futbol femenino lo bai consisti di tres division esta U-17, U-20 y Dama Open Klas.

 
Den e division di U-17, cual weganan ta programa pa hunga riba diadomingo na Compleho di Yara na savaneta lo bai tin 5 equipo participando: Arsenal, Bubali Dakota, RCS and Santa Fe.  Den e division di  U-20 cual weganan lo ser hunga riba diabierna lo bai tin 6 equipo participando: Bubali, Dakota, RCA, RCS, Santa Fe and Savanta Stars. Den e division di Dama Open Klas lo bai tin e mayoria equiponan participando pa un total di 9 equipo, esaki nan lo bai ta: Arsenal, Britannia, Bubali, Dakota, FC Sanicolas, RCA, RCA, Riverplate and Savaneta Stars. E weganan tur lo ta programa pa tuma lugar riba e diasabra
 

Diabierna despues di e ceremonia di apertura, e liga lo inicia oficialmente cu un wega den un di e tres divisionnan, cual wega lo ser dicidi mei ora prome cu e partido.
 
AVB ta spera lo mihor pa e Liga aki. Ta spera cu e clubnan y nan dirigentenan tuma tur cos na serio, no solamente e dedicacion di nan tempo, pero tambe e pasion pa e futbol femenino y su liga, alo largo esaki lo pone e Liga crece y bira mas grandi aun.
 
Cu e inicio di e futbol femenino y su liga, AVB ta pone mira tras di e progreso di e futbol awo pa nos sernan femenino, e unico manera pa hiba e futbol den su totalidad padilanti.
 
AVB kier a invita henter e fanaticada di futbol, specialmente esnan di futbol femnino pa asisti awe diabierna sin falta na e ceremonia di apertura y bin apoya nos sernan femnino den e deporte mas gusta y praktica na mundo esta futbol.

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter