|
Landadornan Arubano na caminda pa Istanbul, Turkije |
 |
 |
|
Saturday, 08 December 2012 16:44 |
|
Diasabra 8 di december, tres landadornan di Aruba, esta Allyson Ponson, Jemal LeGrand y Jordy Groters acompanja pa Head Coach di Selecion Nacional di Aruba,Sr. Ismael Santiesteban, ta sali rumbo pa Istanbul Turquia, pa participa den e 11th World Swimming Championships organisa pa FINA.
E campeonato aki ta den pisina cortico, esta 25m, y ta wordo organisa cada dos anja. Mundialmente pisina cortico ta wordo landa durante e periodo di September te cu December. E resto di anja competencianan ta tuma lugar den pisina largo esta 50m. Pa nos atletanan local pisina cortico no ta algo cu nan tin hopi custumber cune, pa motibo cu na Aruba nos no ta landa competencia den pisina cortico. Jemal y Jordy cu ta train y bayendo scol na Merca tin experencia den pisina cortico, landando competencianan den pisina di 25 yarda. Nos landadornan a recibi e oportunidad,auspicia door di e Federacion Internacional di Landamento FINA,pa desaroya experiencia den participación den campeonatonan mundial durante e competencia grandi aki. Durante e 4 dianan di competencia Ally y Jemal lo competi den 50m, 100m, y 200m di freestyle. Jordy lo competi den 50m, 100m y 200m schoolslag y 100m wisselslag. Ally, Jemal y Jordy ta hopi hoben, y compitiendo cu e mihornan di mundo ta un tarea dificil. Pero Arubaanse Zwembond ta haciendo tur lo necesario pa duna nan sufficiente experencia durante e siguiente cyclo Olympico, pa yuda nan den nan desaroyo como atletanan di nivel Mundial. Di parti di Arubaanse Zwembond,nos ta desea nos 3 atletanan y nan Coach Ismael, hopi exito na Istanbul.
 |
Mustra/Kita e formulario di comentario
