Thursday, 02 October 2014
E di 13 “Annual Rotary Golf Tournament” a tuma lugar Print E-mail
Sunday, 09 December 2012 18:06

cheque Teen moms
Riba diasabra, 1 di december, e di 13 “Annual Rotary Golf Tournament” a tuma lugar na Tierra del Sol Golf Course. Aruba Rotary Club ta organisa tur aña e famoso Golf Tournament pa recauda fondo pa yuda organisacionnan charitativo. E suma colecta a aña aki tawata un record Afl 50.000,00!!!

Rotary ta cambia cada aña e organisacionnan cu ta ricibi donacion for di e golf tournament aki, y e aña aki e donacion a bai pa SonRisa, un organisacion cu ta juda personanan mentalmente limita, pa Teen Moms, cu ta consientisa e juventud pa cu e problema di embarazo juvenil, y pa Social Fund di Colegio Arubano, e fundacion di maestronan di Colegio cu ta recauda fondo pa alumnonan di menos recurso pa por paga material di scol.

Rotary Club Aruba ta sumamente orguyoso di por a sostene e organisacionnan aki, y nan ta gradicido na tur e sponsornan y participantenan cu a copera pa asina haci e evenemento aki un exito asina grandi. Rotary Club ya ta cla pa organisa e di 14 golf tournament na aña 2013!

Durante e recepcion Rotary Club Aruba a anuncia e kick-off di nan 75 anniversario cu lo wordu celebra durante 2013. Riba e potretnan adhunto por aprecia Presidente di Rotary Club, sr Frans Brinkman y e Incoming President 2013-2014, sr Danilo de Freytas, demostrando e publico e logo nobo cu lo wordu usa durante henter 2013 cu e lema ‘nos tey pa yuda’.

Riba e portret e comision cu a organisa e tournament: Cisco Quant, Geert Rep, Gerald Luidens, Stanley Looman, Ravee Boolchand Nandwani y nan presidente Frans Brinkman.

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter