Thursday, 23 October 2014
Licenciado Edmundo Josiah di COA a gradua como Master Ehecutivo den Deporte na Suiza Print E-mail
Monday, 10 December 2012 16:11
DSC_2063
Den marco di e programanan di capacitacion pa dirigentenan deportivo di Solidaridad Olimpico ta existi e Programa MEMOS, Master Ehecutivo den Gestion di Organizacionnan Deportivo. E curso aki ta e curso di nivel mas halto cu Comite Olimpico Internacional ta ofrece, den coordinacion cu e Universidad di Lleida, España, y e INEFC di Barcelona.

Algun aña pasa, Lic. Edmundo Josiah, psicologo y Director Tecnico di Comite Olimpico Arubano, a wordo selecta pa Solidaridad Olimpico pa sigui e curso di nivel academico aki. Pa cu e curso di Memos, Lic Edmundo Josiah a transita pa cuatro modulo na Mexico, Guatemala, Barcelona y Madrid, caminda ela ricibi diferente materia. Finalmente, dia 30 di november ultimo, den cede di Comite Olimpico Internacional na Laussane, Suiza, Edmundo a defende dilanti di un tribunal su Proyecto yama "Nivel di desaroyo di deporte di alto rendimento na Aruba".

Den e proyecto aki, Edmundo a expone e resultadonan di un investigacion di mas di 4 aña unda ela analisa cu profundidad e factornan financiero, institucional, tecnico, geografico y psico-social cu ta e influencia directamente den e desaroyo di deporte di alto rendimento na Aruba. E evaluacion di e proyecto y e defensa di e preguntanan di e tribunal a duna Edmundo Josiah e aprobacion y pa asina e obtene su diploma di Master Ehecutivo den Deporte. Esaki a ser otorga na Sr. Josiah dor di e propio Director di Solidaridad Olimpico, Sr. Pere Miro y e Director General di INEFC di Barcelona, Dr. Agusti Boixeda. Comite Olimpico Arubano y e movimento deportivo di Aruba a recibi e estudio aki cu gran satisfaccion.


E gran famia di COA ta manda un palabra di pabien na Sr. Edmundo Josiah pa su esfuerso y dedicacion, unda cu awe ela logra cu su estudio a bira un resultado exitoso. Den e marco di e Asamblea Annual di COA, diahuebs 6 di december, Master Edmundo a hasi entrega di su proyecto na Presidente di Comite Olimpico Arubano, Sr. Roy Mezas.

dowers dowers dowers

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter