Friday, 31 October 2014
Nacional/Washington ta cla pa nan showdown contra RCA Print E-mail
Tuesday, 11 December 2012 14:55
DSC_2063
Futbol Divsion di Honor organiza pa AVB ta continua awe nochi cu e tremendo encuentro entre e “Red Army” di Noord, Nacional/ Washington contra e Tricolor nan di Solito RCA. Sigur un wega di basta peso mirando con e team nan ta para riba e tabla di posishon y tambe e historia cu tin entre e dos team nan aki.

E muchanan di Palm Beach ta hibando un campanja bastante fuerte y ta ocupando e di dos lugar cu 15 punto tras di SV Britannia, pero cu un Victoria awe nochi nan lo por pasa ocupa e promer lugar. Britannia a bin ta domina e tabla di posishon y tin 66 dia como lider di e campeonato pero tur cos por cambia awe nochi. Cu un Victoria awe Nacional lo por pasa pasco na promer lugar. E duo di delantero di Banton Duffrey y Roy Francis “killer” ta e combinashon ofensivo mas letal di e campeonato actual y awe nochi nan ta bin pa salda un cuenta habri cu tin di campeonato 2010/2011. Di otro banda e team tricolor ta na di 3 lugar cu 12 punto y ta den nececidad grandi di punto. Cu tanto Dakota como La Fama halando rosea tras nan neck, e team dirigi pa Rafael Vanegas mester ta productivo awe nochi. Tanto Eric Santos como Rensey Baradas mester tin actuashon nan grandi awe nochi, si RCA kier bai cas cu e tres punto nan. Sigur un wega cu ta priminti di spat candela, y un invitashon ta bai na tanto e fanaticada di Nacional/ Washington como esun di RCA pa yega stadion Guillermo Prospero Trinidad, esenario di e duelo aki. E pitazo inicial ta 8 or di anochi. E wega aki no lo wordu transmiti pues bo mester ta den stadion pa wak kiko ta pasa.. Pa mas informashon sigui futbol di Aruba via facebook AVBaruba of e website www.AVBaruba.aw.

dowers dowers  

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter