Thursday, 18 December 2014
Campeona mundial Melanie Wever a domina un biaha mas den amazonabao di 12 aña Print E-mail
Tuesday, 11 December 2012 21:13
Comparti

306011 10151167757458511 2034379735 n.jpg

Cada competencia ta un otro reto y ser favorito no ta un garantia pa triumfo. Den cada competencia nos ta bolbe mira esaki. Tin demasiado factor ta hunga un rol. Melanie Wever, nos campeona mundial a demostra sinembargo un consistencia grandi y guia pa su trainer Igor Kock ela titula su mes e mihor amazona den e categoria di 9 pa 11 aña entre un grupo di 6 participante y despues tambe a gana the “Best of the Best”. Di otro banda den e grupo di 12 pa 14 aña, Savannah Hasham a bira e sorpresa como e mihor amazona di e festival 2012, tambe den un grupo dificil di 6 participante. Giandra Wever a prepare pa e compromiso aki.

E categoria sin duda, e mas dificil, ta esun di 12 pa 14 aña, ya cu aki cada un ta capaz pa bai cu e titulo y pa cualkier error chikito un amazona por perde su puesto tan cotiza. E biaha aki esun di mas hoben, esta Nina van Romondt (12) a logra e prome puesto den un pelea duro cu Savannah. E segundo puesto a keda otorga na Eva Pols, e tercer lugar na Natalia Mouawad, e cuarto na Eline de Kool y e quinto puesto na Ambar Genser. Tur tabatin un demostracion di gran control riba nan ehemplar.

Pa loke ta e masculinonan den e grupo aki, ex-campeon mundial Chayon Kock a confirma su puesto como e mihor jinete y Gianluca Curiel a bai cu e prome lugar.

Den e categoria di 9 pa 11 aña Alexia Chin su bon actuacion a dune e prome puesto. Aalijah Acosta a bai cu e segundo lugar, Elizabeth Johnson a drenta di tercer, Genesis Pietersz di cuarto y Sofia Schwarz di quinto. Den e ala masculino Jay Zievinger a bira e mihor jinete.

Den e categoria mas jong, di 6 pa 8 aña Dyami Croeze (8) a bira e mihor amazona dilanti di Maria Salazar (6) cu a hanya e prome lugar.

Den e categoria di 15 pa 17 aña tabatin 2 participante. Aki Richelle Chirino a bira e mihor amazona, mientras cu Michelle Nicolaas a captura e prome puesto. Den e grupo masculino Dyon Croeze a bira e mihor jinete.

Den e competencia di jinete di 18 pa 21 aña ex-campeon mundial Wernher Dijkhoff a bira e mihor jinete di e festival, mientras cu Marc Yanez a bai cu e prome puesto.
Na final OCA a organisa un final di “Best of the Best” y aki Melanie Wever a bira e mihor amazona di e feria, mientras cu den mucha homber Wernher Dijkhoff a bira e mihor jinete. E competencia aki a ser huzga pa Fernando Nieto, kende ta un huez cu tin hopi aña ta biniendo na Aruba y bayendo back te den e decada pasa. E tabata ademas e trainer nacional di Colombia pa jinete y amazona den e ultimo mundial.

album album album
album album  

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
Comparti
 

Connect with Us

Newsletter