Wednesday, 23 July 2014
Futbol division uno unistars ta dal trupiaal 4-2 y e submarino ta bek den drive Print E-mail
Wednesday, 12 December 2012 11:47
DSC_2063
E “Submarino Blauw/Shelo” di Pos Chiquito Sv Unistars ta dal Trupiaal 4-2 y ta para un racha di dos wega perdi y asina stablisa su mes bek riba e tabla di posishon.

Despues di a bai 180 minuut sin por score un gol caminda cu Unistars ta perde contra Juventud Tanki Leendeert 3-0 y Caravel 2-0, E soldaat nan ta bin bek y ta score 4 gol contra Trupiaal pa bai cas cu e tres punto nan. E “torpedero” Pedro Anchilla ta manda Unistars ariba na di 7 minuut ora cu e ta hanja un bunita pase di Harold Gonzales y ta lob e bala riba cabez di e keeper pa pone e wega 1-0. Na di 25 minuut ta e maximo goleador di Unistars Jeasley Boekhoudt cu ta ricibi un pase den burica y cu un tiro violento ta vence e portero pa duna e “Submarino Blauw/Shelo” e ventaha 2-0. Tur cos tawata mustra bou control cu Unistars dominando e wega y cu Trupiaal purbando di Sali di atras cu bala domina. Mester bisa cu e tawata un bunita encuentro sin mucho “batimento di bala” y cu bon combinashon nan di ambos banda. Na di 37 minuut Trupiaal ta hanja un penalty ora cu e defense Central Aito Quandus ta tumba e delantero den e area. E tiro ta wordu bon cobra pa BennetteTousaini y asina Trupiaal ta corta ventaha 2-1 y cual score half time ta bai aden. Den di dos tempo ambos team ta Sali mas decidido pero cu Unistars tumando e iniciativa un tiki mas.

Unistars ta bolbe score na di 75 minuut ora cu e bolante central Juan Pablo Granada ta recoge un rebote pafor di e area y ta manda un misil for di 30 meter cu ta pasa riba cabez di e keeper y bai para den net pa haci e wega 3-1. Despues di e gol aki Trupiaal su moral a manera cai den otro y Unistars a sigui crea oportunidad nan di gol, pero sin tawata efectivo. Ta Jeasley Boekhoudt cu ta sentencia e wega na di 77 minuut ora cu e defense ta faya den e rechase y e bala ta keda riba su pia y sin problema ta schuif e den e skina pariba pa duna Unistars e ventaha comodo di 4-1. Na di 86 minuut Trupiaal ta bolbe lansa un atake peligroso riba banda drechi y cu un tiro practiamente sin angulo ta sorprende e portero Luis Molina pa pone e score final 4-2. Cu e Victoria aki Unistars ta yega 16 punto y ta posishona su mes na di 2 lugar tras di Caravel. E siguente wega di e “Submarino Blauw/Shelo” lo ta diasabra awor 15 di December ora nan topa FC San Nicolaas. E wega ta programa pa cuminsa 6.30 y e tereno di wega lo ta Compleho Deportivo Frans Figaroa na Noord. Un invitashon ta bai na tur e fanaticada di Pos chiquito, Sabana Basora y becindario pa bin duna apoyo na e team di Unistars den su compromiso importante aki Sigui e soldiers nan di e Submarino blau shelo via facebook riba Unistars Unico.

Comentarionan (1)Add Comment
la pirata
December 12, 2012
201.229.67.144
Votes: +0
...

bn tardi.. kiermen e stars nan a cuminsa bai shelo bek? paso poco dia ey e stars nan a cai ora cu caravel a gana nan! nos lo desea pa boso pone tur resultado no di un tean so of kico mester hasi pa e otro resultado nan tmb aparece aki riba?...

Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter