Thursday, 17 April 2014
Varios mucha special nan soño a bira un realidad Print E-mail
Wednesday, 12 December 2012 16:17
DSC_2063
Siman pasa a tuma un evento deportivo cu sigur a hala masha hopi atencion, ya cu tabata e prome torneo “Tuyo Werleman di futbol unifica, cu ta dedica na Arthuro “Tuyo” Werleman pa tanto aña di dedicacion, motivacion y inspiracion pa nos atletanan special.

Digicel como sponsor principal di Special Olympics Aruba tambe tabata presente y a keda encanta cu e tremendo sosten cu nos hendenan a duna e evento aki. E torneo aki ta trata di hunga futbol 7 contra 7 atleta di 4 diferente team. Cada team di 7 atleta ta consisti di e atletanan di enseñansa special y cu e hungadonan di e clubnan di miembro di AVB. E hungadonan di e clubnan ta di e edad U17 y e wega ta hunga riba mita veld.

E idea di cada team ta pa nan hunga unifica, pues 4 hungado ta mucha di enseñansa special, hunto cu 3 hungado di futbol di AVB. FIFA y Special Olympics a cera un pacto, unda cu rond di mundo ta bin cu futbol unifica caminda Aruba a cera conoci cu e tipo di wega aki pa prome biaha y pa evalua con e ta bay. Internacionalmente nan ta hung’e cu 11 – 11 hungado, pero tambe tin e posibilidad di hung’e 7-7.

Tuyo Werleman a splica cu intencion di FIFA ta pa nan yega na e weganan mundial, cu lo tuma luga na Brazil den 2013 y e clasificacionnan ya ta bay cuminsa. Aruba tambe kier clasifica, pero no ta bay ta nada facil, si compara cu e otro paisnan grandi cu tin. “Esaki tabata e ultimo actividad di aña y nos ta celebra awe 12 ½ di existencia di Fundacion Special Olympics Aruba. Pa nos ta un gran orguyo cu AVB a partner cu nos, pa nos por sigui desaroya loke ta G-Voetbal, esta, gehandicapt voetbal, of miho conoci como futbol unifica. Integracion sigur ta forma un parti principal den e deporte aki y tambe nos ta yuda nos muchanan subi nan nivel y nan ta haya mas experiencia pa ora nan bay competi den exterior. Mi kier gradici AVB enormemente pa duna nos e oportunidad aki, como tambe Digicel pa a yuda sostene e evento aki y haci soño di varios mucha special un biaha mas realidad”, asina Tuyo a termina bisando.

dowers dowers dowers

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter