|
Coredornan di Aruba, ganador absoluto di e careda “Xtreme Duo Mountain Bike 2012” na Curacao, den categoria overall y damas |
 |
 |
|
Thursday, 13 December 2012 12:50 |
|
Un biaha mas e nomber di Aruba a destaca entre e 196 participantenan cu a competi diadomingo ultimo na hermana isla Curacao, na e di 12 careda Xtreme Duo Mountain Bike.
E coredor Arubano, George Winterdal cu su partner Jerry Otten di Hulanda a forma e duo campeon y a logra bai cu e titulo maximo un biaha mas pa Aruba den categoria overall. Den damas e coredor di Aruba, Zaida Everon cu su partner Lisa Grootheusheidkamp di Curacao a sa di jega overall na di 16 puesto entre e 98 parehanan competiendo, ganando di e forma aki e promer puesto den nan categoria damas. E careda di Xtreme Duo ta un careda cu coredornan di Curacao, pero tambe di Aruba, Bonaire y Sint Maarten ta spera tanto riba dje y ta e culminacion di un otro anja di competencia. Un pabien na tur coredor Arubano cu a participa y a sa di representa nos pais Aruba un biaha mas.
 |
Mustra/Kita e formulario di comentario
