Tuesday, 23 September 2014
Copa Aruba Individual 2012 di Aruba Table Tennis Association Print E-mail
Thursday, 13 December 2012 15:03
DSC_2063
Diadomingo dia 9 di December Aruba Table Tennis Association (ATTA) a organisa e torneo di mas importante di aña esta e campeonato nacional individual cu ta ser yama e Copa Aruba Individual.

Pareu cu esaki, mayornan di atletanan hubenil a organisa un evento pa recauda fondo den e forma di bende cuminda. Cu esaki ATTA kier a gradici tur hende cu a contribui na evento aki pa asina yuda ATTA pa logra su metanan stipula.

Pa loke ta e torneo, tabata tin un total di 71 wega cu a wordo hunga. Esaki ta parti den e categorianan: bou 10 aña, bou 14 aña, bou 18 aña, B-klas, Masters y Open. Tur atleta por a hunga un maximo di dos categoria, esta nan categoria mes y uno mas halto cu esey.Alrededor di 10.30 di mainta na Centro Deportivo Betico Croes ATTA a inicia e torneo y ta caba pa 4.30 di atardi.

Pa e categoria bou 10 aña e atleta cu pa algun luna caba ta tuma e position di campeon ta sera e aña como campeon di Aruba esta Robert Dirksen. Na di dos lugar ta keda den persona di Sjoerd Geurtsen sigui pa Jonathan Paredes. Tur tres atleta ta mustra di ta prospectonan grandi pa futuro di e deporte.

Bou di 14 aña e tres atleta di seleccion cu a biaha varios biaha e aña aki mester a bataya pa e prome puesto. Den un final cu a entretene e publico completo, Alan Croes ta logra gana di Jean Claude Hoek. Na di tres lugar ta keda den persona di Donald Yarzagaray.

Jean Claude no ta logra gana e final den e categoria bou 14 aña pero su di dos final si e ta gana y asina ta Sali campeon den e categoria bou 18 aña. Na di dos lugar ta keda Jean Pierre Helmeyer, sigui pa Donald Yarzagaray.

Den e categoria B-klas un atleta di Boneiro a sa di sorprende tur hende. Ray Bernabel no a participa na niun torneo e aña aki pero a warda pa esun mas principal y ta logra gana e wega final pa asina bay cu e premio mayor. Veterano Sherman Hose ta Sali na di dos lugar, sigui pa e hoben Alan Croes.

Pa categoria Masters e atleta Franklin Lopes pa 8 aña consecutivo ta logra bay cu e premio mayor ganando Ronny Reyes den final. Na di tres lugar ta keda den persona di Alfred Leong.

E categoria principal caminda tur hende por a inscribi a percura pa un momento di historia. E conosido Mario Lobo ta logra bay cu e titulo di campeon pa di 20 biaha den su carera! E final no tabata uno facil pa Mario caminda su primo Andy Gomes tabata dune hopi dolor di cabes kitando tres set for di dje. Pero Mario ta sigui bringa y ta gana cu un score di 4-3. Na di tres lugar ta keda den persona di Raymond de Lange.

ATTA kier a gradici tur e atletanan cu a participa na e torneo importante aki y tambe tur e boluntarionan cu a yuda pa haci e torneo aki uno exitoso. Si bo ta desea di wak mas potret di e weganan, premiación, cushina, boluntarionan, etc. por subi riba facebook: Aruba Table Tennis Association

dowers dowers dowers
dowers dowers dowers

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter