Friday, 31 October 2014
Comision Hende Muhe y Deporte di COA a organisa e prome dia di Arte Marcial pa Hende Muher Print E-mail
Sunday, 16 December 2012 16:10

front-coa007

Recientemente a tuma lugar den Centro Deportivo Frans Figaroa e prome actividad di Arte Marcial pa Hende Muher, organisa pa e Comision Hende Muher y Deporte di Comite Olimpico Arubano.

Pa trece un grupo special di deporte mas cerca di comunidad y muy en especial cerca Aruba su hende muhernan, Comision Hende Muher y Deporte di COA a bin cu un concepto relativamente nobo pa Aruba: un dia di tayernan di varios arte marcial, specialmente pa hende muher. A pesar di poco asistencia di comunidad, e Dia di Arte Marcial Femenino, a laga un impresion positivo atras cerca e organisadornan. Riba 6 diferente area den e Centro Deportivo Frans Figaroa, varios scol di arte marcial a demostra cu nan por traha hunto pa logra un meta comun. Gruponan di Judo, Ryobukai Karate Do, Tang Soo Do, Iaijutsu, Aikido y Kendo a ofrece nan lesnan pa tur hende muher interesa, di mucha muher chikito, te na damanan ‘grandi’ cu nieta. E instructornan di varios arte marcial a mustra nan experiencia y comprension profundo di nan arte y tambe con pa introduci nan disciplina na un manera interactivo y agradabel y sigur pa medio di tarea di 45 minut pa muhernan interesa. Tabata bunita pa wak con e practicanan di un arte tabata habri pa cera conoci cu otro disciplina. Locual a resalta tabata e mentalidad habri di siña for di otro y di comparti cu otro muher e experiencia di entrena e arte marcialnan. Tabata bisto cu e mentalidad disciplina y serio cerca e participantenan tabata un excelente base pa mustra kico e palabra “respet” kiermen na un nivel mas profundo. Por a constata cu Aruba ta conta cu hopi muher fuerte: tanto como atleta, pero mas tanto como maestra y lider di nan grupo y club. Ta di spera cu e iniciativa aki lo ricibi mas acogida den futuro, pa mas y mas hende – muher y homber - di pafo di e mundo di arte marcial por probecha di e experticio existente riba nos isla. En todo caso por conclui cu e entusiasmo y perseverancia di e personanan envolvi den e bunita proyecto aki ta contagioso, mirando e amor cu a wordo desplega e dia aki. Comishon Hende Muher y Deporte kier a gradici tur e clubnan cu a participa na e programa aki y ta desea di por haya nan cooperación den futuro un biaha mas. Pa anja 2013 Comishon Hende Muher y Deporte lo bai organisa varios otro evento pa nos hende muhernan riba diferente tereno, pa asina nos por sigui apoya nos hende muher pa haci deporte y stimula nos dirigentenan femenino pa dirigi nan deporte den un direccion mas profesional.

gallery1 gallery1 gallery1
gallery1 gallery1 gallery1
gallery1 gallery1 gallery1
gallery1 gallery1 gallery1
gallery1 gallery1 gallery1
gallery1   

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter