Monday, 22 December 2014
Aruba ta gana Medaya di ORO na Bahamas y ta clasifica pa Mundial di softball Print E-mail
Thursday, 31 January 2013 16:41
Comparti
DSC_2063
Aruba Softball Bond su trabownan duro y boluntario ta duna fruta. Selecion Femenino di Aruba desde luna di Mei ta den pleno preparacion pa e campeonato clasificatorio di ECASC ( Englisch Caribbean Amateur Softball Confederation).

Mr. Don Porter di ISF a confirma cu e isla cu gana e medaya di ORO lo wordo honra cu un spot den mundial di softball cual lo tuma lugar final di Juli 2013 na Cali Colombia durante celebracion di World Games. ASB por medio di su directiva a traha un plan y manda jama un pre-selecion y a informanan debidamente kiko ta e meta. Atletanan Femenino a responde na e jamada aki y a drenta campo di entrenamento. Nan a traha hopi duro y manera semper ta bisa esun cu traha duro lo mira fruta. Aruba a briya na Freeport Bahamas y a derota e fuerte selecion di Bahamas den e wega final. ASB tambe a reforsa cu Suliviendra Hooi un pitcher di apenas 22 anja for di nos Hermana isla di Corsow . Hecho cu Suliviendra tin paspoort Hulandes ta permiti esaki riba reglanan internacional. Aruba durante henter e competencia tabata “talk of the town” na Bahamas Freeport. Riba diferente frontpages di corantnan na Bahamas Aruba a sa di domina su popularidad.  Selecion hopi alegre y determina pa cumpli cu trabow cu ASB a pidinan a sa di saca cara di Aruba. Wega final Bahamas ta pika ariba 3-0 den promer inninmg. Homerun den deep center di Riangela Flanegin cu dos na base ta empata e wega.

Rudlyn Ras ta dispara un doblete riba cabez di short cu ta pika extende te den muraya empuhando 2 careda mas. Bahamas tambe ta responde cu homerun pa otro dos careda. Milvienne , Shakeena, Tianne y Yelitza a keda subi base pa asina Aruba keda pone Bahamas bow di precion. Ludmila “Michi” Geerman ta conecta den di 3 inning un doblete y den bom di 5 e ta piki un recta fuerte depositando esaki tras di muraya den leftfield pa amplia e score 13-5. Suliviendra Hooi kende ta wordo releva pa Rudlyn Ras den 5 inning ta resulta pitcher ganador. Aruba a bari mayoria premio individual. Riangela Flanegin champion Homerun y MVP, Suliviendra Hooi best pitcher y most wins, Milvienne Henriquez most stolen base y best centerfielder, Franchesca Diaz best firstbase, Quilen Dirksz best second base y Ludmila Geerman best leftfielder. Aruba den oranan di anochi a ricibi su Medayanan di ORO y tambe su trofeo di campeon. Endy Croes hunto cu Chipen Chirino a gradici e coachingstaff cu a traha duro cu e muchanan, Lucio Geerman, Minguel Tromp, Octavio Cajigal y Lionel Richardson. Mandy Angela cu a fungi como capitan di e equipo y a hasi un tremendo trabow. Tur sponsersnan cu di un manera of otro a duna nan aporte manera Thrifty Carrental, Elmar, Subsidie Commissie y Radio Top FM 95. Aruba Pabien.

dowers dowers dowers
dowers dowers dowers

Comentarionan (2)Add Comment
Scorpion Lady
January 31, 2013
201.229.25.47
Votes: +2
...

Tremendo, masha pabien, Aruba

Scorpion Lady
January 31, 2013
201.229.25.47
Votes: +2
...

Tremendo, masha paabien, Aruba

Duna Comentario y/of Comparti riba Social Medi
 
  smaller | bigger
 

busy
Comparti
 

Connect with Us

Newsletter