Friday, 31 October 2014
Softball Masculino ta bek den Juegos Pan Americano Toronto 2015 Print E-mail
Sunday, 10 February 2013 10:53

Endy Croes  Conpasa
Sigiendo desaroyo di Softball riba plataforma internacional tabata tin un noticia alentador fin di siman. Mientras cu Aruba ta den furia di final di su carnival ehecutivonan tabata reuniendo na Kingston Jamaica. E organisacion “PASO” Pan American Sports Organisation pero tambe conosi na spaño como “ODEPA” Organizacion Deportiva Panamericana tabata tin nan Congreso na Jamaica.

Manera ta conosi cu despues di weganan di London 2012 kiermeen cu e cyclo olympico di 4 aña a jega su final y e cyclo olympico nobo lo inicia y pues diferente organisacionnan miembro di IOC ( committee olympico internacional) den diferente continente lo cuminsa programa nan weganan cualnan ta conta tambe como clasificatorio pa weganan olympico Rio 2016. IOC ta conta cu 205 miembro den 5 continente rond mundo. Mientras di akinan continente America ta conta cu 42 miembro pues 42 Nacional Olympic Committee di cual Comitee Olympico Arubano ta (1) un di nan. Durante reunion di PASO of tambe jama ODEPA na Jamaica fin di siman e deporte Softball Masculino tabata di fiesta momento cu el a ricibi reconosimento y aprobacion bek di miembronan como un deporte cu lo ta riba programma durante Juegos Pan Americano cual lo tuma lugar na Toronto 2015. Softball riba nivel Pan Americano ta wordo dirigi pa CONPASA esta e Confederacion Pan Americano unda Jesus Suniaga di Venezuela ta presidente y Endy Croes di Aruba recientemente na 2012 a keda eligi como Vice Presidente. Paisnan grandi entreotro di sur Americano tabata di fiesta cu e decision aki ja cu ta conosi cu paisnan manera Argentina, Venezuela, Ecuador, Colombia pero tambe Mexico, Cuba , Republica Dominicana, USA, Canada, Aruba, Guatemala pa nombra algun tur ta forma parti miembrecia di CONPASA y espirito di softball masculino ta core den nan vena. Pues pa Juegos Pan Americano na Toronto 2015 tanto Softball Femenino pero awor tambe Masculino lo ta den programa di PASO (ODEPA). Depues di e decision aki Porter a jama Endy personalmente hopi contento cu e decision aki y a expresa “ This is the result of a good “team effort” . Now we have to continue working hard for the 2020 Games”. Recientemente na Bahamas Endy cu Porter a hiba un combersacion extenso riba e reunion di ODEP a cu tabata na caminda y tambe a intercambia hopi idea riba kiko por hasi comun pa hasi e weganan di softball tanto femenino y masculino aun mas atracticvo. Endy Croes a hiba combersacion cu Jesus Suniaga tambe kende tabata super alegre cu e resultado aki. Mundo di softball masculino awe tambe ta di fiesta. Aruba Softball Bond lo jama un reunion cu su hungadornan y lo traha desde 2013 un pre-selecion masculino kendenan lo mester bay clasifica promer posiblemente na Argentina den 2014. Exigencianan ta bay ta halto y atletanan mester por tin 100% deseo y ta 100% dedica y 100% determina pa forma parti di e pre-selecion . ASB lo traha duro pa busca e fondonan nesesario pa desaroya softball masculino tambe riba nivel internacional. Pabien na softball masculino cu nan logro.

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter