Thursday, 24 July 2014
Siman desisivo pa un Deporte cu lo wordo saca for di Olympiada Print E-mail
Sunday, 10 February 2013 10:56

Jacques Rogge Presidente di Comittee Olympico International
International Olympic Committee (IOC) e siman aki na su Headquarter na Lausanne Switzerland lo mester duna un recomendacion cual deporte lo mester wordo saca como deporte Olympico pa asina traha espacio pa invulcra 1 deporte nobo. Esaki sigur ta un di ne trabownan mas sensativo.

Despues di hopi luna di evaluacion e decision aki lo tuma lugar otro siman. Un di d deportenan di mas biew den Olimpiada “Pentathlon Moderno” ta e deporte cu aparentemente ta na candela y lo wordo movi. Board ehecutivo di IOC lo anucia otro siman cual exactamente lo ta e deporte cu lo wordo exclui for di e 26 deportenan Olympico trahando asina un “spot” pa un deporte nobo. Sinenbargo e deporte nobo cu lo wordo inclui na e “spot” aki lo wordo anucia na septemebr na Buanas Aires durante Congreso di IOC. Pa e (1) spot vacante aki tin (7) deporte ta luchando pa drenta weganan Olympico 2020. E delaster deporte cu a wordo saca for di weganan Olympico na Softball y Baseball cual decision a wordo tuma na 2005 unda despues di weganan olympico 2008 na Beijing China e deportenan aki pa 2012 y 2016 no ta riba programa olympico. E (7) deportenan cu ta luchando pa drenta bek weganan Olympico ta hustamente softball y baseball awor bow di un solo capa, karate, roller sports, squash, climbing sport, wakeboard y wushu. Pues den esakinan (1) lo drenta y lo forma bek e 26 diciplinanan (deportenan) Olympico na 2020. Otro 2 deporte nobo Olympico aproba anteriormente pa weganan na 2016 na Rio de Janeiro ta golf y rugby. “Pentathlon moderno” e deporte cu aparentemente lo wordo exclui ta den weganan olympico desde Stockholm 1912 pero aparentemente e deporte aki ta antiqua y no tin e popularidad mundial mas y tin solamente un grupo hopi chiquito di atletanan di halto redimento. Aunke e presidente di e federacion internacional Klaus Schormann ta luchando cu alma y cuerpo pa reskata e deporte aki como un olympico esaki no ta mustra suficiente. Presidente di IOC Jackues Rogge y e 15 miembronan di board ehecutivo lo repasa un raport di IOC program commission cu evalucacion di tur (26) deporte cu ta riba e programa olympico di London 2012. E raport aki no a wordo publica pero a analysa 39 criteria di cada deporte entreotro cifra di asistencia publico, TV rating, benta di carchi di entrada, participacion mundial di e deporte pues cuanto atleta rond mundo ta practica e deporte y popularidad den hubentud. Aki por a destila cu modern pentathlon a score hopi abow den e categorianan aki. Un miembro ehecutivo a splika esaki pero kier keda anonimo como cu e raport no a wordo publica ainda y tampoko tin un decision final ainda te cu otro siman. Sinenbargo hopi biaha decision final no ta solamente factornan technico pero tambe tin di haber cu un balance politico. Un di e miembronan di e directive ehecutivo di IOC ta Juan Antonio Samaranch Jr., jui di e X presidente di IOC y actual vice presidente di Federacion Internacional di Modern Pentathlon. Pues esaki lo bira un batata cayente e siman entrante. Thomas Bach kende ta vice presidente di IOC a laga sa cu tur deporte na London 2012 tabata un exito y esaki lo hasi e discusionnan e siman aki uno hopi emocional pa determina cual deporte lo wordo exclui. E arte pa pone un bon programa olympico den otro kiermeen cu bo mester haña un bon balance entre tradicion y progreso. Taekwondo cual tambe ta un deporte cu a wordo menciona den posibel exclusion ta para fuerte awor depsues di London 2012 primordialmente cu e tabata exitoso y 8 medaya di oro a bay pa 8 diferente pais cual ta dune un base mas amplio. Directiva ehecutivo lo reuni na mei 2013 na St. Petersburg, Rusia pa dicidi finalmente cual ta e deporte cu nan lo recomenda pa drenta weganan olympico 2020 y e decision ey mester wordo ratifica pa Congreso na Buenas aires Argentina na September proximo.

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter