Saturday, 30 August 2014
IBiSA ta informa: Cambio di orario pa test di CIOS diabierna awor Print E-mail
Monday, 18 February 2013 14:07
DSC_2063
Instituto Biba Saludabel y Activo, IBiSA ta notifica tur hoben cu a inscribi pa participa na e test di CIOS cu ta tuma lugar diabierna awor dia 22 di februari 2013 cu tin un cambio den e orario.

E test di CIOS ta importante pa mira si e hoben por cualifica pa drenta e instituto na Hulanda, cu ta situa na Arnhem.

Test di CIOS riba diabierna:

Diabierna awor, dia 22 di februari 2013 ta cuminsa cu e test di CIOS. Esaki ta tuma lugar den e gymzaal di St. Teresita School na San Nicolaas. E school ta situa den cura di misa di San Nicolaas y pa bo yega na e gymzaal bo tin cu drenta e cura y bay full patras.

E orario pa e testnan di diabierna a bira awor for di 3’or p.m. pa 5’or p.m. Ta pidi tur esnan cu a inscribi pa tuma bon nota di e cambio di orario, y pa nan por acudi ya caba for di 2:45p.m na e gymzaal.

E testnan cu ta tuma lugar riba diasabra, 23 di februari 2013 si ta keda mescos y ta cuminsa pa 8:00a.m. na Community Pool na San Nicolaas. Tur participante mester notifica nan presencia for di 7:45a.m. Pa diasabra ta corda e participantenan pa trece ‘zwembroek’ pa mucha homber y ‘zwempak’ pa mucha muher (no bikini). Diasabra tambe, entre 12:00 di merdia pa 2:00p.m. ta test e habilidad di e participante pa duna les. Durante 5 minuut, e participante mes lo duna les na un grupo chikito

Tur participante mester tin nan keds y paña deportivo apropia, pues NO jeans pa por tin suficiente mobilidad pa haci e testnan di e mihor manera.  

IBiSA lo percura pa tur material cu ta necesario pa haci e testnan. Si ta pidi e participantenan pa trece fruta, gatorade, energybars, etc pa nan por come y bebe entre e oranan cu e diferente test ta tuma lugar.

Si tin cualkier pregunta por tuma contacto cu sra. Jacqueline Ponson van Putten na telefoon 582 4987 of via su e-mail: jacqueline.vanputten@aruba.gov.aw. IBiSA ta desea tur hoben hopi exito cu e testnan di CIOS e fin di siman aki.

dowers dowers dowers

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter