Tuesday, 02 September 2014
Stadion Maracana pa cu Weganan Olimpico di RIO 2016 ta den pleno construccion Print E-mail
Tuesday, 19 February 2013 16:47
DSC_2063
Falta un tiki mas cu tres aña pa e proximo Weganan Olimpico tuma lugar. Manera tur hende sa, e ciudad di Rio de Janeiro, Brasil, a gana e derecho pa bira sede di e Weganan di 2016, treciendo e evento pa prome biaha na Suramerica.

Desde cu Rio de Janeiro a gana e bid, e diferente preparacionnan a cuminsa wordo haci pa loke ta e infra-structura den henter e cuidad. Dos aña pasa e stadion historico di Maracanã, un di esnan mas bieu di mundo, mester a casi ser basha abou y traha completamente di nobo. Notable ta cu awor casi dos aña despues, e stadion ta kedando cla y ta mustra masha bunita mes.

Siendo un di e sitionan mas remarcable, tanto pa e Mundial di futbol na 2014, como pa e Weganan Olimpico di 2016, Maracanã lo bai tin un capacidad di 78.000 persona, cual ta diezdos mil menos cu esun anterior y mas cu 100.000 menos cu den su epoca di gloria! Actualmente e Comision di Coordinacion di IOC pa e Weganan di Rio 2016, di cual miembro di IOC, Sra. Nicole Hoevertsz tambe ta formando parti, ta hasiendo su di cuater bishita na e ciudad unda ta observa con e desaroyo di e areanan funcional ta bai. Cu un planificacion hopi detaya, e Comite Organizador Rio 2016, conhuntamente cu tres nivel di gobierno (ciudad, estado y federal) meater percura pa no menos cu 303 proyecto keda cla na tempo.
Na banda di esaki, e comision a bishita e sede nobo di e Comite Organizador caminda alresedor di 2.350 hende lo bai ta trahando durante di e weganan. Tambe lo realisa un recorido den e area di e waf, esta Porto Maravilha, cu ta wordo renova completamente. E weganan Olimpico di Rio 2016 lo nifica un transformacion total di e ciudad, di cual e poblacion completo lo beneficia.


Riba e diferente potretnan nos por mira e bishita cu e miembro di Comision di Coordinacion di IOC pa e Weganan di Rio 2016, Sra. Nicole Hoevertsz a facilita na nos.

dowers dowers dowers
dowers dowers dowers
dowers dowers dowers

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter