| Aruba volleyball association Ta habri registracion pa teamnan nobo pa campeonato senioren 2013 |
 |
 |
| Wednesday, 27 February 2013 11:22 |
 Aruba Volleyball Association ta sigi cu e determinacion pa engrandece y haci e deporte di volleyball gusta y popular y ta invita pa medio di esaki tur schoolnan, clubnan, centro di barionan, instancianan, organisacionnan y dirigentenan di volleyball pa registra y participa na e proximo Campeonato Nacional di Volleyball pa Senioren.
Tur dirigente cu tin un Team di Volleyball y cu ta desea di integra nan mes den e proximo campeonato nacional di volleyball y bira miembro di Aruba Volleyball Association, ta ser invita pa registra nan mes den nan respectivo klasse y categoria. E klasse pa e Campeonato Nacional Senioren 2013 ta Klasse B y Klasse A Pa registracion y/of informacion y pa e formulario necesario por tuma contaco cu Secretaria di AVA viaaruba.volleyball.association@gmail.com" of na telefon 568 4166. Ultimo dia pa registra lo ta dialuna 11 di maart 2013. Aruba Volleyball Association ta spera di por yama bonbini na e Teamnan y Atletanan nobo pa e Klasse B (damas y cabayeros) y tambe na e Equiponan cu ta forma Klasse A. Tur Atleta cu ta gusta practica e deporte di volleyball y cu kier yega na nivelnan competitivo, forma parti di Selecionnan di Aruba y contribui na bienestar di e desaroyo general di volleyball aki na Aruba, ta ser invita pa join un club, un organisacion, un centro di bario etc. di volleyball y bira miembro di Aruba Volleyball Association.
|
Mustra/Kita e formulario di comentario
