Friday, 31 October 2014
Aruba ¼ Marathon hopi gusta y fantastico Print E-mail
Friday, 08 March 2013 13:25
DSC_2063
E di dos ¼ Marathon tawata uno cu hopi exito. Den total 628 participante a registra pa participa. Universidad di Aruba y Good2B Active ta sumamente contento pa cu e resultado y e apoyo ricibi di e canado, coredo, voluntario y sponsors nan.

Compara cu aña pasa unda nos tawata tin un total di 568 partcipante, e aña aki nos ta tin un total di 628. Esey sigur ta un signal cu mas y mas hende ta haci movicion. E meta di Universidad di Aruba y Good 2B Active ta netamente esey. Pa stimula un y tur pa haci movicion por lo menos 3 bez pa siman. Referendo na e articulo di “Exercise is Medicine” nos ta orgujoso cu na Universidad di Aruba nos no ta solamente haci sondeo ariba e topico aki, pero cu ta organisa evento pa stimula nos hende nan pa move mas.

Careda

Ariba e dia di e ¼ Marathon tur cos a bai bon. Si nos compara cu aña pasa e aña aki nos tawata tin 3 waterpost cu a cai na agrado di tur e participante nan. E careda a cuminsa un tiki despues di 6:00 AM y tur e participante a ranca un careda bai abow. Tur participante y tambe tur esan cu ta banda di caminda pa apoya nan canado/coredo favorite por a difruta di un dushi Diadomingo mainta y di un bunita salida di solo. E prome coredo a jega finish den …. Minute. Na finish line nos por a conta cu e bon naracion di nos locator Roberto Geerman hunto cu IBISA y e voluntario di Good 2 B Active unda nan ta registra tur e participantenan cu ta drenta y nan tempo.

Na final di e careda nos a scucha cu hopi enthusiasm con e differente teams nan di e coredor y canador nan tawata planea strategicamente nan careda. Pa tur esnan cu ta tuma e deporte aki na serio,nan sa cu nan tin cu tene cuenta cu balancia nan energia, nan tempo y e distancia. Y esey so no ta importante pero tambe, come saludable y sosiego ta yuda den esaki

Studiantenan di Univesidad a participa

Nos ta hopi orgujoso pa comparti cu nos ta tin mas cu 25 studiante yudando durante e careda na e waterpost nan y asina mes tawata tin mas o menos 20 studiante cu a participa activamente den e ¼ Marathon como un canado of coredo. Nos ta hopi orgujoso di nan. Masque mayoria di e studiante nan ta traha y studia. Toch hopi di nan ta haci deporte y ta tuma tempo pa train. Un pabien special pa tur e studiatenan di Universidad di Aruba cu a participa den e ¼ Marathon. Sigi asina, nos ta hopi orgujoso di boso nan.

 

Resultado di e careda.

Tur resultado lo wordu publica den corant, pero esnan cu ta desea por haña tur resultado ariba e Facebook page di Good 2 B Active, Universidad di Aruba, e website di deporteturdia of sportauba.com

Nos overall winner den categoria runner masculino a bai pa Roland Staring (Aña pasa esaki twt Gino Hodge) y overall winner den categoria runner femenino a bai pa Shariska Winterdaal.

Pa prome biaha nos a duna un overall winner trophee pa e walkers nan. E ta un sorpresa pa nan u nan a keda soprendi y hopi contento cu awor tin un trofeo pa e overall walkers nan. E aña aki e ganador ta Jerson Maduro den categoria walkers masculine y pa categoria walkers femenino a bai pa Philomena Paesch.

Nos ta sumamente orgujoso y gradici cu asina hopi hende a participa. Mas y mas nos ta nota cu e grupo di walkers ta creciendo. E aña aki nos tawata tin tambe 5 trofeo pa e top 5 y otro aña nos lo amplia esaki siguir.

Danki

Un danki special ta bai pa nos voluntarionan, e walkers/runners clubnan of gruponan organisa, companianan cu a sostene nan employadonan pa participa, gobierno y tur nos sponsornan. Sin bosnan sosten e ¼ Marathon aki no por a wordo realisa y ni tampoco por tata uno existoso mane nos por a wak.

Muy en especial nos kier gradici e studiantenan di CKI, SUA, FAS-OGM, voluntarionan di IBISA, team Olimpia, EMT, Rode Kruis.

Nos sponsornan:

Madamme Jeanet Restaurant            ,RUNNERS,TOTTOO,Medicosmetics,ALBO,Kong Hing,Ling & Sons ,Super Food,DOW,TRIBIKE,ARUBUS ,otal Services Aruba ,ZENITEL  ,WEB NV,CAREX,Mariniers Kazerne,Valero,METEOR ,Fredco            trofees ,Henriquez Croes & CO,Medisch Cosmetics Aruba,Tele Aruba, ATV,Fitness Ware house,Universidad di Aruba

dowers dowers dowers
dowers dowers  

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter