Friday, 24 October 2014
Un spiritu a ser mira riba veld di Britannia Print E-mail
Thursday, 14 March 2013 11:31
DSC_2063
Durante siman a cuminsa lanta un rumor insistente cu possiblemente cu lo tin un spiritu ta cana rond riba veld di Britannia. Segun e testigo nan e tawata manera un zombie pero cu tiki barica, anto e tawata manera schop bala riba gol.

Nos reportero nan di AVB info mesora a cuminsa investiga e sucedido aki y a bin topa Jonathan Lake ta schop free kick riba veld di Britannia. Aparentemente e lo ta haciendo un comeback cu e pumanan di Piedra Plat. E noticia aki a Sali na promer instante riba e website deportivo di www.sportsaruba.com. Sigun informacion Jonathan tawata tin 3 team cu tawata interesa. E team nan cu tawata interesa den su servicio nan tawata e team di Angochi, SV Arsenal, E amrillonan di Dakota tambe a haci un bid pa hanja e goleador, pero ta e Puma nan di Britannia cu ta logra convenci pa bisti su zapato nan bek. Jonathan a retira 3 anja pasa caminda cu e ta guia Britannia na su ultimo titulo campeonil y tambe ta Sali MVP. Hopi ainda ta corda con den e wega final contra Estrella caminda Jonathan ta drenta faltando 20 minuut y ta logra score 2 gol pa duna Britannia e Victoria y e titulo campeonil di Aruba su futbol. Ultimo 3 anja nan e la fungi como trainer di futbol caminda e la pasa 2 anja cu Britannia y e ultimo aki cu Dakota. E ta logra 2 trip pa playoff cu Britannia pero ta keda cortico y no ta yega final.

E ta move despues pa Dakota caminda cu expectativa nan tawata halto y sigur resultado nan ta wordu exigi dibiaha. Apesar di tur e talento nan y e recurso nan cu a wordu hinca toch nunca e team ta responde na Jonah su vision ni e tipo di futbol cu kier a aplica. Esaki ta resulta den su retiro despues cu Dakota ta perde 3-1 na man di RCA. Awor Jonathan ta bolbe Britannia no como entrenador pero como jugador. E pregunta ta keda cu si Jonathan por aporta ainda na un club asina grandi. Cu 3 anja for di acshon ta dificil predici kiko su impacto lo ta. Britannia ta awor akin a promer lugar comodo cu 25 gol na fabor y 8 gol contra. Ainda mester wak con Jonathan lo fit den e team di Britannia, ya cu e Puma nan ta junga un futbol cu hopi velocidad y hopi movilidad. Tambe awor e Center Spits tin double funshon. Parti di su trabou a bira awor pa strobe den e opbouw di e team contrario. Pregunta nan tin hopi, contesta nan tin poco. Ki dia e lo debuta y ki su rol ta ainda lo mester warda pa wak. Keda pendiente pa e debut di Jonathan Lake cu Britannia. Sigui futbol di Aruba riba facebook AVBaruba.aw of riba e website WWW. AVBaruba.aw. Futbol Division Honor Subway Cup…”Score Fresh”!!

dowers dowers  

Comentarionan (2)Add Comment
weds
March 14, 2013
201.229.26.220
Votes: +3
...

Ta avbaruba.aw ta traha e storia kens nan aki.

Ame
March 14, 2013
209.88.128.20
Votes: -1
...

Serio? E storia aki ta hopi pero hopi dom. Serio 24ora? Echt?

Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter