Friday, 31 October 2014
IBiSA ta informa: ARUBA ta titula Campeon den Futbol Escolar Mucha Homber di Weganan Interinsular na Boneir Print E-mail
Thursday, 28 March 2013 11:47
DSC_2063
Na isla di Boneiro a tuma lugar e competencia Interinsular den ramonan di deporte di Futbol pa schoolnan di Enseñansa Basico, Volleyball y Softball pa schoolnan di Enseñansa Avansa. Aruba a keda representa pa e schoolnan cu a resulta campeon den e competencia escolar annual organisa pa IBiSA.

Sumamente satisfecho y contento cu e logro, delegacion di Aruba a regresa despues di e weganan. Aruba, representa pa Pius X School di Dakota ta titula campeon den futbol mucha homber. Mientras cu pa e weganan di mucha muher Pius X School ta keda na di tres lugar.

Futbol Mucha Homber:

Den e weganan di futbol Aruba ta hunga dos wega, ta gana tur dos y ta finalisa cu 5 gol na fabor y solamente 1 gol den contra pa un total di 6 punto cu tabata bon pa e clasificacion na prome lugar y e titulo di Campeon.

Kolegio Papa Cornes di Boneiro ta keda na di dos lugar cu 2 wega hunga, 1 wega gana y otro empata cu 2 gol na fabor y 4 dn contra, bon pa 1 punto y e di dos lugar. Mientras cu na di tres lugar ta resulta Kolegio Kristo Bon Wardador tambe di Boneiro cu 2 wega hunga, ningun gana, 1 wega empata y e otro perdi cu solamente 1 gol na fabor y 3 gol den contra, cu a dun’e 1 punto na final pa cual e ta keda cu e tercer lugar.

Den futbol mucha homber e MVP a bay pa e hoben Marcelino Alvarez di Pius X School, Aruba

Futbol Mucha Muher:

Pa e mucha muhernan di Aruba, e resultado tabata diferente pero e competencia a resulta den un experiencia enorme y cu alegria nan a celebra nan participacion y e logro di nan compañeronan den futbol mucha homber. Aruba ta hunga 2 wega y lamentablemente ta perde tur dos y ta finalisa cu solamente 1 gol na fabor y 6 gol den contra pa 0 punto y ta termina na di tres lugar.

Kolegio Reina Beatrix di Boneiro ta keda como sub-campeon cu 2 wega hunga, 1 gana y e otro empata y 4 gol na fabor y 2 den contra pa un total di 4 punto. Mientras cu Kolegio Kristo Bon Wardador di Boneiro den mucha muher ta bay cu e titulo di campeon cu 2 wega hunga, 1 gana y e otro empata y 4 gol na fabor y solo 1 gol den contra cu ta dun’e 4 punto y e prome lugar. Pa loke ta e titulo di MVP den mucha muher, esaki a bay pa Jaqferlee Palm di Boneiro.

Instituto Biba Saludabel y Activo, IBiSA ta felicita tur e hobennan cu a participa den e ‘Weganan Interinsular Futbol’ na Boneiro y specialmente Pius X School Dakota su team di mucha homber cu a representa Aruba grandemente y trece e titulo di Campeon pa Aruba.

‘Weganan Interinsular’ ta continua na Aruba e fin di siman di 12-13 y 14 di april 2013, pa cual IBiSA for di awor ta invita e schoolnan pa bin duna apoyo na e hobennan cu ta participa, representa Aruba y nan school den Futbol di Sala, Atletismo y Landamento.

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter