Wednesday, 30 July 2014
Ciclistanan hubenil pre-selecion di Aruba wieler bond den pleno preparacion Print E-mail
Friday, 29 March 2013 12:41

Front DSC 0036-1

Cu e participacion na Continental BMX Championship Gator National 2013 na Florida y Road Bike Tour de Schottegat na Corsow, e ciclistanan a hanja oportunidad pa gana hopi experiencia. Recientemente Aruba Wieler Bond a manda dos grupo di cislistanan pre-seleciona juvenil entre 15 pa 18 pa participa na caredanan preparatorio pa e disiplina di BMX y Road Bike. Pre-selecion BMX.

Den e weekend di 8 pa 10 di Maart, e team di Junior Development Program pa e disciplina di BMX a participa den e campeonato “Gator Nationals” na Oldsmar, Florida. Un total di 6 atleta a participa den e campeonato aki cu a forma parti di e weganan di fogeo cu ta den e plan di entrenamiento pa e seleccion. E atletanan cu a participa ta Ashwin Dabian, Randon Koolman, Akash Solognier, Jonathan Baena, Zaithyel Soekandar y Zyqion Soekandar. Na e careda aki a participa alrededor di 800 atleta y e entrenandornan Jose Roberto Reyes, Joseph Everon y Pedro Estaba cu a forma e delegacion a haña oportunidad pa midi e nivel di e atletanan y a base di e resultadonan por cual adaptacion of cambionan ta necesario na e plan di entrenamiento pa cada atleta individual. En general e seleccion a hasi un tremendo prestacion y a logra resultadonan desea pa e team. En total e selecion a conquista 19 premio entre nan titulo di campeon. Pre-selecion ROAD BIKE .

Dia 24 Maart e team di pre-selecion juvenil Road Bike, a participa na Le Tour de Schottegat na Corsow. Un total di 5 atleta a hasi e viahe aki cu ta forma parti di e preparacionan pa e campeonato juvenil di Caribe na Juli proximo. E atletanan cu a participa ta Oriana Thielman, Jair De Sint Jago, Eugene Dirksz, Gabriel Thielman y Edrick Krozendijk. E objetivo di e careda aki tabata pa finalisa e careda den un marge chikito di diferencia di tempo compara cu e ganadornan. Por bisa cu e meta aki a wordo logra. Oriana Thielman a mustra un progreso den su desaroyo, hunto cu ruman Gabriel Thielman nan a logra finalisa e careda.

Jair De Sint Jago y Edrick Krozendijk a logro mantene nan mes cu e peloton durante e careda y a logro crusa e meta den un tempo respetabel. Eugene Dirksz a hanja un fayo technico na comienso di e careda cu a costa su participacion optimal.

E desaroyo di e atletanan ta notable. Cu e participacion na e careda aki e entrenador nacional Ervis Benitez tin varios aspecto en vista cu e lo por juda e atleta nan desaroya.

Pa ambos selection e preparacionan ta sigui pa asina juda e atletanan jega na e metanan propone pa nan pa e temporada aki di ciclismo.

album album album
album album album
album album album
album album album
album   

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter