Monday, 28 July 2014
E atletanan ta logra obtene 10 medaya pa Aruba na Carifta Print E-mail
Sunday, 31 March 2013 08:51

Front 734631 549291681777166 1056040056 n

E prome anochi di competencia CARIFTA na Jamaica a inicia super bon p’e atletanan y pais Aruba, ya cu nos atletanan a logra obtene 10 medaya. E dushi himno “Aruba Dushi Tera” a bolbe resona, demostrando e gran potencial y talento cu nos landadonan tin.

E prome medaya di ORO a bay p’e atleta campeon SURAMERICANO, Mikel Schreuders den evento di 200m Breaststroke, categoria 13-14. Jordy Groters, e unico atleta clasifica caba pa 2nd Youth Olympics, tambe a logra pone nos dushi himno resona, na momento cu el a ricibi su medaya di ORO den 200m Breastroke. Den Relay, Aruba su landadonan ta obtene 2 ORO. Den categoria 11-12, e mucha muhenan; Keeley Maduro, Elisabeth Timmer, Anahi Schreuders y Flory Kock, ta lucha contra e teamnan di Jamaica y Guyana, landando un tremendo relay y asta logra Record di CARIFTA 2013. E euforia a sigui na momento cu nos relay team di mucha homber 13-14, consistiendo di; Mikel Schreuders, Joseph Winterdal, Edward Muller y Tyreke Wernet, tambe ta logra obtene e di 4 medaya di ORO pa Aruba.

E 3 medayanan di PLATA tabata di: Daniella van den Berg den 800m Free, Daniel Jacobs den 200m Breaststroke y e Relay Team 15-17 mucha muhe: Gaby Ponson, Cindy Maduro, Daniella van den Berg y Ally Ponson.

E 3 medayanan di BRONS tabata di: Patrick Groters den 1500m Free, Rebecca Maduro den 100m Butterfly y e Relay Team 13-14 mucha muhe: Ginayla Arends, Junice Martin, Andrea van den Berg y Rebecca Maduro.

Sin duda un tremendo prestacion di tur nos atletanan, specialmente esunnan cu ta competiendo pa prome biaha, ya cu destaca entre 345 landado, sigur no ta nada facil. Awe mainte di dos eliminatorio ta tuma luga, unda cu Aruba un biaha mas lo ta bon representa den e oranan di anochi.

album album album
album album album
album   

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter