Saturday, 20 September 2014
AVB: Futbol local dilanti un posibel welga di refree Print E-mail
Monday, 01 April 2013 00:47

Buchi Panama

Tin varios dia caba cu tin algo ta cushina entre AVB y e referee nan. Ultimo tawata tin un falta di comunicashon entre AVB y referee nan pa cu e wega nan di Division Menor caminda cu ningun referee a ser apunta y cu a trece como consecuencia cu varios wega no por a sigui. Aparentemente tin un impase cu por trece retraso na e campeonato y hasta ta papia di para e campeonato actual.

E referee nan ta junga un papel importante den tur deporte, y especialmente den futbol. E no ta un trabou facil y hopi biaha ta blanco di critica ora cu un team perde. Segun informacion hasta mediador di gobierno a wordu aserca ya cu ta trata di deporte rey di Aruba y AVB no por permiti un trancamento di e campeonato. Den mesun rosea AVB a cuminsa prepara un plan di contigencia caminda cu a aserca varios referee vetarano cu ta inactivo. For di fuente nan serca di e conversashonnan por a compronde cu negociashon nan ta andando pero no ta sigur cu lo por yega na un concensus promer cu e wega di diabierna. Un wega di Division di Honor mester tin 4 referee presente pa e wega por continua y nomber nan cu a ser menshona ta Fa Orman, Dochi Lee, Buchi Panama y Frans Dijkhoff. E wega di diabierna ta entre e “Orguyonan di Noord” SV Bubali cu ainda tin un chance masha chiquito di drenta den e promer 6 nan y e “Cacique nan” di Paradera, SV Caiquetio cu practicamente ta elimina pero ta buscando pa bolter e momentum. Un Victoria riba Bubali sigur lo duna e Cacique nan e confiansa cu nan mester pa enfrenta e fase di promotie/ degradatie. No ta tur cos ta perdi pa e Cacique nan ya cu si nan logra sobervivi e fase di promotie/ degradatie nan por ta bek siguente campeonato den Division di Honor. E team nan a tuma e noticia di e referee nan cu sentimento nan mixto ya cu e wega a bira uno hopi liher y no ta sigur si e quarteto aki lo por wanta e ritmo di e wega. Pero ambos team ta diacuerdo si cu e wega mester sigui. No ta sigur kende lo ta e arbitro principal, pero un cos ta sigur y esey ta cu e wega tin cu sigui. Mirando e embergadura di ewega aki AVB a dicidi di laga e fanaticada dicidi ken na lo kier wak fluit e wega aki. Manera a ser menshona anterior e quarteto pa e wega aki lo ta Fa Orman, Dochi Lee, Buchi Panama y Frans Dijkhoff. Subi facebook di AVB y haci bo votashon. Mientras tanto nos lo sigui busca informashon tocante e situashon di e impase entre e referee nan y AVB. Ningun di dos banda no kier duna comentario ainda ya cu cos ta hopi “curu” ainda pero nos ta kere mas den siman lo tin mas informashon.

gallery1 gallery1 gallery1
gallery1   

Comentarionan (2)Add Comment
1 april
April 01, 2013
201.229.85.66
Votes: +0
...

1 aprillllllsmilies/grin.gif Ami lo kier wak nan riba veld ta fluit wega!smilies/grin.gifsmilies/cheesy.gifsmilies/tongue.gif

Xirtaeb
April 01, 2013
201.229.119.244
Votes: +1
...

Ta pesei nos futbol no ta bai dilanti, pasobra mester bin sanger jong den e directiva di AVB.

Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter