Saturday, 01 November 2014
Durante e di dos anochi Aruba ta logra pasa na di 3 luga entre 16 isla y 345 atleta na CARIFTA 2013 Print E-mail
Monday, 01 April 2013 13:50

Front IMG 5633

Diadomingo mientras tur hende tabata celebra Pasco di Resureccion, nos atletanan di seleccion di landamento tabata bataya pa pasa den e top 8 atletanan pa e final di e di dos anochi di competencia CARIFTA na Jamaica.

E resultado tabata uno fantastico, unda cu Aruba a logra un total di 14 medaya; 6 oro, 6 silver y 2 brons, demostrando gran curashi y curazon pa nan dushi isla. No por keda sin menciona cu e anochi aki tabatin varios espectaculo di nos atletanan, specialmente durante e relays, unda cu e atletanan a duna tur loke nan tin, pa logra obtene e medaya di oro y laga e himno di Aruba resona. Pues actualmente Aruba tin 25 medaya total y varios atleta cu a pasa den top 8 atleta di isla, cu ta loke ta conta pa e posicion di Aruba na di 3 luga. Mikel Schreuders ta sigui causa furor y ta lucha pa sigui obtene su medayanan di oro, hunto cu e atletanan Jordy den 400m IM y Ally den 200m Free, cu tambe a gana medaya di oro, permitiendo asina tur presente scucha nos dushi himno. E euforia a bira grandi cerca e atletanan y mayornan di Aruba presente, ora cu Patrick hunto cu Mikel tabata landa tur cu tin pa logra e medayanan di oro y plata y finalmente Patrick ta logra landa un tremendo tempo, logrando medaya di plata y Mikel ta logra su medaya di oro den 400m IM. E Relay Team mucha muhe 11-12 ta bolbe gana un medaya di oro; Flory Kock, Anahi Schreuders, Keeley Maduro y Elisabeth Timmer. E Relay Team di mucha homber 13-14, tambe ta obtene 2 medaya di oro: Mikel Schreuders, Patrick Groters, Joseph Winterdal y Tyreke Wernet. Jordy Groters ta gana 1 medaya di oro den 400m IM y Ally Ponson 1 medaya di oro den 200m Free. Den e evento di 200m Free, Aruba a logra varios medaya: Flory Kock medaya di plata - Daniel Jacobs medaya di brons, - Ally Ponson medaya di oro, Gaby Ponson medaya di brons – Jordy Groters medaya di plata. Den e evento di 50m Butterfly, Keeley Maduro ta bataya y gana su medaya di plata y Winterdal tambe ta obtene su medaya di plata. Den e evento di 100m Backstroke, Ally Ponson un biaha mas ta subi podium pa ricibi su medaya di plata. Di e forma aki, Aruba ta logra posiciona su mes na di 3 luga entre e 16 islanan presente, algo cu sigur e atletanan lo sigui bataya pa mantene,mirando cu falta 2 dia mas di competencia. MASHA PABIEN MES NA TUR LANDADO Y COACH Y BAN SIGUI 'ARAZA' NA JAMAICA.

album album album
album album album
album album album
album   

Comentarionan (1)Add Comment
what goes around..
April 01, 2013
201.229.57.21
Votes: +3
...

trece e copa na Aruba ! Ban pe y keep up the good work.smilies/wink.gif

Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter