Thursday, 24 July 2014
Landador sincroniza Kyra Hoevertsz tambe a conquista medaya den US Championship Print E-mail
Monday, 15 April 2013 16:32
DSC_2063
Despues cu landador sincroniza Arubano Anouk Eman a logra conkista medaya di Oro den e US Championship tabata e otro landador sincroniza di Aruba esta Kyra Hoevertsz kende hunto cu su equipo Walnut Creek Aquanuts a termina na di segundo lugar den nan categoria, bon pa un medaya di Plata den e campeonato mas grandi landamento sincroniza teni na Merca, unda scol y clubnan ta competi.

Kyra Hoevertsz ta bibando desde december na California, caminda e ta entrena cu e equipo di Walnut Creek Aquanuts. E ta competi den e categoria Junior (pa atletanan di entre 15-18 aña di edad). Tabata impresionante pa mira con den apenas 4 luna cu e ta landando cu e equipo mericano, e ta completamente integra y landando e rutina sin ningun problema. E team junior di Walnut Creek Aquanuts a duna un excelente presentacion y tabata solido den nan ehecucion. Nan a haya hopi aplauso di e publico presente. E puntuacionnan tabata un decimo di un punto menos cu e equipo di Santa Clara Aquamaids, cu a gana e medaya di oro. Kyra y su equipo di Walnut Creek a termina asina na segundo lugar, conquistando e medaya di plata. En general pues un magnifico y historico resultado pa e dos hoben landadornan sincroniza Arubano, Anouk Eman y Kyra Hoevertsz. Landando den e campeonato nacional Mericano tur dos a sa di gana medaya: Anouk un medaya di oro cu su dueto y Kyra medaya di plata cu su equipo!! Staf y personal di COA kier a manda un palabra di felicitación na Kyra Hoevertsz, Anouk Eman y nan famia, amigo y conocirnan como tambe Aruba completo pa cu e gran logro aki. Pabien!!

dowers dowers dowers

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter