Thursday, 24 April 2014
Brazil Taekwondo Stichting: Jendrique Gumbs a gana oro y Jourdé Klabér a gana plata na Puerto Rico Print E-mail
Tuesday, 16 April 2013 23:55

fronttaekwondo008

Den fin di siman tabata tin e di 13 campeonato di Los Brujos na Puerto Rico y e team di Train Hard Fight Smart di Brazil Taekwondo Stichting a participa cu 2 atleta, Jendrique Gumbs di 11 aña y Jourdé Klabér di 14 aña. Ambos atleta a bringa diadomingo atardi na unda cu nan a demonstra e nificasion di Train Hard Fight Smart.

Jendrique Gumbs si a haci un cos na Puerto Rico. Den Jendrique Gumbs su prome 10 seconde di su prome pelea e la knock out su contrincante di Puerto Rico cu su pandal chaki. Un scop inespera pa su contrincante cu no tabata sa kiko a dale, pero e la sintie si. Den final Jendrique Gumbs a topa cu e mericano Mikhail Isaac di Next Level bou guia di Master Antwuan Wilson. Den e promer rond Jendrique Gumbs a demonstra cu e no a bin pa basila y a tick e mericano dos biaha. Jeritza Arends kende ta mama di Jendrique Gumbs a haya su mes forsa pa coach su yiu debi cu Teo Rodriquez tabata coach e otro atletanan di Aruba. Cu e guia y e senjalnan Jeritza Arendz a coach su yiu. E hoben Mericano Mikhail Isaac a pone Jendrique Gumbs bou hopi presion, pero Jendrique Gumbs kende ta bon getrain tabata sa ki ora pa block y bin cu contra atake. Den di dos rond Jendrique Gumbs a bolbe tick e Mericano Mikhail Isaac cu e no tabata sa kiko a dale. Mikhail Isaac a purba di busca Jendrique Gumbs kende tabata hopi sabi den e pelea final aki. Coach Antwuan Wilson a laga sa cu na Best of the Best na luna di November na Aruba e ta bin pa su revancha. Alberto Klabér a laga Antwuan Wilson sa cu e tin hopi trabou pa haci. Manera nos ta bisa cu Jendrique Gumbs a haci un bon trabou na Puerto Rico. Jourdé Klabér no tabata tin su dia y a topa cu Puerto Rico na unda cu e score board tabata marca pa robez y mester a keda satisfecho cu su di dos lugar. Teo Rodrique di Tiger Taekwondo Academy a haci un bon trabou di guia e team di Aruba na Puerto Rico. Un pabien grandi ta bay na e Team di Train Hard Fight Smart di Brazil Taekwondo Stichting. Esaki ta e continuacion di e Train Hard Fight Smart. E proximo campeonato internacional cu e team di Brazil Taekwondo Stichting ta bay lo ta na luna di Juni na Suriname.

gallery1 gallery1 gallery1
gallery1 gallery1 gallery1
gallery1 gallery1 gallery1
gallery1   

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter