Friday, 19 December 2014
Federacion di Ajedrez Aruba: Brian Diaz ta sali campeon absoluto den e CARIFTA Junior Chess Championship U-12 na Jamaica Print E-mail
Tuesday, 16 April 2013 23:45
Comparti

frontajedrez001

Federacion di Ajedrez Aruba recientemente a participa exitosamente cu 4 hungador hubenil na e II Panamerican University Chess Championship (FM Juan Pablo de Mey) cu a ser organisa di 1-5 di April na Corsou y na e CARIFTA Junior Chess Championship (Brian Diaz, Maria Paula de Mey y Jomar Benschop) cu a ser organisa di 4-9 di April na Jamaica.

II Panamerican University Chess Championship

Nos hoben FIDE Master Juan Pablo de Mey (18 aña), pagando su propio gastonan, a participa n’e Panamericano Universtiario, unda cu e prome 2 lugarnan lo a haya derecho pa participa n’e 27th Universiade 2013/World Summer Games cu lo ser hunga di 6-17 di Juli proximo na Kazan, Rusia. Pa por a participa n’e Panamericano, bo tabatin mester di tin un edad entre 17-27 aña y mester ta bayendo scol. Un total di 14 hungador di 5 pais (Aruba, Corsou, Ecuador, Republica Dominicana y Suriname) a participa.

Despues cu Juan Pablo tabata diferente buelta na promer lugar, den ultimo buelta ta perde y ta termina na di 3 lugar, ganando medaya di bronce. Juan Pablo a gana 4 wega, empata 1 y perde 2, terminando cu un score di 4,5 di 7 wega. Na promer lugar a termina Carlos Paul Jean Abreu di Republica Dominicana cu 6 punto di 7 wega, mientras cu na di dos lugar a termina Alvaro Palma di Ecuador cu 5,5 punto di 7 wega.

Door cu IBISA lo participa na e World Universiade na Rusia y a escohe pa entre otro participa cu ajedrez, Federacion di Ajedrez Aruba ya a apunta FM Juan Pablo de Mey como e hungador masculino (Zaily Arbona di 18 aña como e hungador femenino) pa representa nos isla na Rusia.

CARIFTA Junior Chess Championship

Federacion di Ajedrez Aruba, cu sosten di Comision di Subsidio, a participa n’e CARIFTA Chess Championship na Kingston, Jamaica. Pa Aruba Brian Diaz (11 aña) a hunga den U-12 Absoluto, mientras cu Maria Paula de Mey (15 aña), cu inicialmente a bay pa participa na U-16 Femenino, pero pa fia cu tabata falta 1 hungador femenino pa por a hunga e torneo aki, e mester a participa den e U-16 Absoluto, mescos cu Jomar Benschop (15 aña), cu a paga su propio gastonan.

Como hefe di delegacion y coach a viaha Maestro Candidato drs. Raymundo Dijkhoff, mientras cu Olivia Benschop, miembro di directiva di Federacion di Ajedrez Aruba, tabata delegado oficial. E meta primordial tabata pa cada hungador score 50%, locual kiermen 3,5 punto di 7 wega, ya cu lo a hunga 7 buelta. Esaki tabata prome biaha cu Aruba a participa n’e torneo aki, cu pa di dos aña a incorpora ajedrez den e Campeonato di CARIFTA.

Tabatin un total di 5 seccion (U-12 Absoluto y Femenino, U-16 Absoluto, y U-20 Absoluto y Femenino) na cual 6 pais a participa (Aruba, Bahamas, Barbados, Jamaica, USA Virgin Islands y Trinidad and Tobago). Aruba a participa cu 3 hungador, Bahamas cu 3, Barbados cu 7, Jamaica cu 140, USA Virgin Islands cu 1 y Trinidad and Tobago cu 6 hungador.

Brian Diaz den e seccion U-12 Absoluto, na cual un total di 61 hungador di 4 pais a participa, a gana su prome 5 weganan y despues a consolida su posicion na prome lugar cu dos empate. Asina Brian ta bira campeon di Caribe y ta haya e derecho di hunga den e Panamericano di 22-29 di Juli cu lo ser organisa na Brazil. Tambe el a gana e derecho pa representa Aruba y hunga den e 3er CARIFTA Junior Chess Championship otro aña den su categoria di edad corespondiente.

Den seccion Absoluto di U-16, Maria Paula de Mey a bataya te ultimo buelta pa logra di gana 3er lugar dje hungadornan femenino, pero a empata cu 4 punto di 7 wega (3 gana, 2 empata y 2 perdi) cu Akelia Donaldson di Jamaica y pa fia dje sistema di desempate (“progressive score”), Maria Paula a termina un posicion bou di Akelia.

Jomar Benschop, cu a termina na di 17 lugar di 41 participante di 5 pais, aunque no a cay den e premionan, si a logra di keda invicto y score 4 punto di 7 wega (1 gana y 6 empata).

Colectivamente Aruba a logra di score 14 punto di 21 wega, cual ta producto di 9 wega gana, 10 empata y 2 so perdi! Relativamente nos seleccion a score mihor cu tur otro pais, pero den sistema di puntuacion pa saca e paisnan cu colectivamente a termina na di prome (Jamaica), di dos (Barbados) y di tres lugar (Trinidad & Tobago), ta imperativo pa bo participa cu hopi participante y no 2 of 3 so manera e biaha aki tabata e caso cu Aruba. Basicamente e paisnan cu mas participante ta gana e prome 3 puestonan.

Federacion di Ajedrez Aruba ta sumamente contento y orguyoso di e logronan grandi di FM Juan Pablo na Corsou y di Brian Diaz na Jamaica, pero tambe di e resultadonan di Maria Paula y Jomar. Si na Jamaica Aruba a participa den cada categoria di edad (Absoluto y Femenino) cu por lo menos 2 hungador di nos top, awe nos lo tabatin por lo menos 5 di e 6 campeonnan di Caribe na Aruba. Nos ta spera pa haya mas sosten financiero den futuro pa nos por participa cu mas cu 2 hungador so cada biaha na e torneonan internacional (regional), ya cu nos tin mas di 100 mucha hungando activamente aki na Aruba y ta ser mustra cu sigur den Caribe, aunque nos no tin e cantidad di hungador manera e otro paisnan, si nos tin mas calidad!

Un danki grandi pa Comision di Subsidio pa e sosten financiero y tambe na Minister

dr. Richard Visser, cu a duna e hoben ajedrecistanan un reconocemento special pa nan logronan. Pabien Aruba!     

gallery1 gallery1 gallery1
gallery1 gallery1 gallery1
gallery1 gallery1  

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
Comparti
 

Connect with Us

Newsletter