Tremendo comienso di Aruba Hi-Winds cu mas cu cien participante
Sunday, 04 July 2010 15:00
No menos cu 93 windsurfers en 22 kiters di Aruba, Boneiro, Corsow, Hulanda, Estados Unidos, Venezuela y Argentina ta participa e aña aki cu Aruba Hi-Winds. Na Fisherman’s Huts y Boca Grandi e participantenan y publico a disfruta circumstancianan ideal di tempo y competencianan bon organisa.
Diony Guadagnino lo por bira e gran ganador di Aruba Hi-Winds 2010
Sunday, 04 July 2010 14:58
E portret magnifico aki, Camilla Verploeg di 10 aña a saca cu e camara di su mama for di e boto di finish na Aruba Hi-Winds 2010. E homber riba portret ta Diony Guadagnino, 27 aña, di Venezuela. Den e categoria di homber el a gana tur competencia di slalom y long distance y cu esey e lo ta e gran ganador di Aruba Hi-Winds 2010. Entrega di premio ta tuma lugar dialuna anochi na Paseo Herencia.
E tenista Mericano Serena Williams diasabra a gana su di cuater titulo individual di Wimbledon venciendo den final e tenista Ruso Vera Zvonareva cu setnan di 6-3 y 6-2. E menor di e rumannan Williams a kibra servicio di Zvonareva den e di ocho wega di e prome set prome di era e parcial den e siguiente wega cu su service.
Wesley Sneijder a haya e prome gol di Hulanda den cuart-final riba su nomber. E grupo di estudio tecnico di FIFA a dicidi esaki diasabra. E gol na di 53 minuut inicialmente a wordo poni riba nomber di e mediocampista Brasileño Felipe Melo. El a mishi cu un tiro di Sneijder cu cabes y despues e bala a drenta e net. Pero segun FIFA, a evalua for di unda e bala a sali y consequentemente a pone e gol riba nomber di Sneijder mes!
E delantero Hulandes Robin van Persie a haya aprobacion pa hunga e wega di diamars, semi-final, contra Uruguay na Cape Town despues di un test haci na hospital riba e lesion di su elleboog, asina e organisacion Hulandes FA a bisa diasabra. Van Marwijk mas tempran a bisa reporteronan na Johannesburg cu defensor Joris Mathijsen tambe tabata na hospital pa un scan di un lesion na rudia.
E comision disciplinario di FIFA lo topa pa dicidi si e atacante Uruguayo Luis Suarez lo haya castigo extra pa un “handsball” intencional riba linea di gol den e wega di kwartfinal contra Ghana.
E principal candidato pa reemplasa Dunga den maneho tecnico di e selección Brasileño, Luiz Felipe Scolari, a sigura ayera cu e lo no acepta un eventual proposicion y lo mantene su acuerdo cu e club Palmeiras te cu final di 2012. Scolari ta na Surafrica comentando e fase final di Copa di Mundo pa un canal di television local, y for di eynan el a duna un entrevista telefonico na e radio Brasileño El Dorado.
E entrenador di e seleccion Argentino di futbol Diego Maradona, tabatin un discusion cu fanaticonan Aleman despues di e wega cu a marca e eliminacion di e ekipo nacional di Mundial di Sur Africa 2010.
Iniesta: Wega contra Alemania lo ta “un bunita bataya”
Sunday, 04 July 2010 02:13
E volante Spaño Andrés Iniesta, declara e mihor hungador di e wega contra Paraguay (1-0), awe diasabra na Johannesburg, cu a duna e coranan e pase pa semifinal di Mundial, a anuncia un "bunita bataya" den e siguiente ronda, unda e rival lo ta Alemania.
E keeper Spaño Iker Casilla, un di e heroenan di su ekipo diasabra den e wega di cuart-final di Mundial unda Spaña a gana Paraguay 1-0, a sigura cu e ekipo cora a “insisti” te ora cu nan a logra e gol.
Dim lightsE fanaticada di Alemania ta spera di haya Hulanda como rival den e final di Mundial di Sur Africa 2010, aunke ainda Hulanda tin cu gana Uruguay y Alemania di Spaña no ta keda otro mas cu specula di wak e dos rivalnan aki topa otro 11 di Juli proximo.
Aruba a celebra victoria di Hulanda awe den grandi
Friday, 02 July 2010 16:03
Tur parti por a mira un euforia grandi, estilo di un berdadero celebracion nacional pa e victoria di e ekipo di futbol Hulandes riba Brazil den e copa mundial di futbol.
Den forma increibel e seleccion Oranje a logra su clasificacion pa e semi final di Mundial di Sur Africa, derotando den forma dramatico Brazil cu anotacion di 2-1.
Mas medaya pa landadornan durante "Caribbean Islands Swimming Championship" na Cuba
Friday, 02 July 2010 02:29
Landadornan di Aruba ta pone nos isla su nomber den halto cu tres medaya di oro y dos medaya di plata mas durante e di 4 dia di competencia durante e “Caribbean Islands Swimming Championships” (CISC” na Habana, Cuba.
Youth BMX Championship 2010 dianan 3 y 4 di Juli próximo
Wednesday, 30 June 2010 11:52
Aruba Wieler Bond, sección BMX, hunto cu Street Wise BMX Team, ta organiza Youth BMX Championship 2010, cu participación di Curacao, Venezuela y Aruba, dianan 3 y 4 di juli, 2010, riba tereno di Street Wise BMX Track.
