Diasabra a cuminza riba cancha di Aruba Juniors e “Segundo Torneo di Masters” organiza pa e propio club pa su hungadornan di Masters, A-klas y junioren. E torneo di e aña aki a start cu un nivel y  intensidad hopi halto. Esaki a bay combina cu gran velocidad cu ta resultado pa gran parti di e hungadornan di junioren. E 4 equiponan ta mustra bon balanza na otro, aunke cu tin di e scorenan ta duna un otro bista. Mas di 40 hungador ta participando na e torneo cu lo bay 3 vuelta y termina den un playoff di tur 4 equipo. Den e wega inicial e punteronan di aña pasa cu a cay venci den e wega final pa keda di sub-campion Devils a sufri su prome derota. Nada tabata mustra den e direccion ey, ya cu e team a mustra altamente superior y a expresa esey tambe den e ventaha di 36-25 na halftime riba Magic. Click read more pa mas info...

Den 1 ora y 15 minuut Ronald Staring a core 21 kilometer y asina a bira e ganador absoluto di e Aruba International Half Marathon. Shariska Dirksz ta e dama ganador di e marathon cu un tempo di 1 ora y 39 minuut. Meta a ser logra cu participacion di 600 atleta na e di 24 edicion di e Aruba International Half Marathon. Personal di IDEFRE, Polis, AMA, Rode Kruis, Emergency Responce Brigade Aruba, Cool FM y voluntarionan tabata tey di trempan pa atende cu nan tarea prome cu e careda start. E prome atletanan a aglumera for di 4’or di mainta na parkinglot di Alhambra Casino pa check-in y subi bus rumbo pa Joe Laveist Sport Park. Ya pa 4: 40 am tres bus yen cu atleta a ser transporta pa e comienso di e careda. Na yegada, 5:15 am, e atletanan a hasi algun movecion pa keinta curpa den awacero.

Diarazon awor, 18 di Maart, Aruba Wieler Bond lo ta organizando un vez mas e careda tan gusta pa hopi ciclista. Como cu e ta un di poco caredanan cu ta core di un punta di Aruba pa e otro, ciclistanan di Aruba ta atende e careda aki masalmente y asina jump start e temporada nobo di ciclismo di ruta. E distancia lo ta di 54km y ta pasa den varios bario di Aruba, hasiendo e ruta di e careda aki uno hopi varia, pasando den ceronan cu lo pone e forza di e ciclistanan na prueba, pero tambe partinan plat cu lo permiti nan yega velocidadnan halto. Click read more pa mas info...

Rotary Club of Aruba su Fun Run Walk 2009 tabata un exito rotundo, na unda cu e record a ser kibra di e cantidad di coredor cu a participa na nan Fun Run Walk 2009. Normalmente un cantidad di 40 pa 50 coredor ta participa nan un fun run walk. Sin embargo na e Rotary Fun Run Walk un cantidad di 140 coredor a inscribi y participa. E ganadornan absoluto tabata Gino Hodge den cabayero y Jennelaine Vrolijk den damas. Hopi ta esnan cu a participa diadomingo ultimo y a contribui cu Rotary su di cinco Fun RunWalk. Un cantidad grandi di grupo y individual a cana y core gozando asina di un tremendo actividad, cual alavez tabata hopi saludabel. Click read more pa mas info...

E partido di baseball entre Venezuela y Hulanda a termina cu un score di 3-1 na favor di Venezuela. Tabata un candeloso partido di baseball, cu a tuma lugar den Dolphin Stadium na Miami, USA. Nos reporteronan di 24ora.com tambe tabata den stadion y por a biba hunto cu e Hulandes, Antiyano y Arubianonan cu tabata presente pa asina apoya nos basebolistanan local. Click read more pa mas info...

Dia 9 di Mei 2009, MMA Kime Aruba ta presenta un MMA (mixed martial arts) Seminar bao di guia di master trainer Oneness Fish. E seminario aki ta dedica na Ingar Bareno cu a fayece tragicamente na Hulanda pero kende tabata un MMA contender cu hopi talento.MMA Kime Aruba bao direccion di Instructora Carol Alders a bin cu e idea aki y a acerca e bringado mundialmente conoci Bas Rutten cu a sugeri su partner Oneness Fish pa duna e seminario aki lo tin un duraccion di 6 ora. E seminario aki ta dedica na Ingar Bareño, un practicante di MMA cu a bringa un pelea Pro (TKO) y cu tabata tin basta exito na Hulanda tambe. Eynan el’a logra e 2do puesto na e Holland Gi Challenge. Tambe Ingar a bringa den e last man standing organiza aki na Aruba. Click read more pa mas info...

Polis y IDEFRE ta haci un apelacion riba automobilistanan pa tene cuenta cu e participantenan di e Int’l Half Marathon cu lo ta riba caretera principal di San Nicolas pa Playa. E actividad aki lo ta dia 15 di Maart cuminzando for di 5:30 di mainta  cu competencia di canamento y 6:00 am e careda ta cuminza. Tur participante ta wordo pidi pa keda riba e banda drechi di e caretera te ora nan yega Valero Boulevard  y despues di aki ta sigui na e banda robez di caminda. Ta prohibi pa automobilista  compaña e participante  pa motibo cu esaki por trece peligro pa trafico y  na mesun momento no ta saludabel pa e propio participante.