| Digicel ta sostene Tra’i Merdia cu lansamento di su promesa “Extraordinario” |
 |
 |
| Sunday, 02 September 2012 21:01 |
|
Mas o menos 1200 mucha ta beneficia di Centronan di Tra’i Merdia na Aruba, unda nan ta bay despues di scol pa traha huiswerk, participa na diferente actividad di recreo y ta haya guia di e tanchinan cu ta cuida nan cu hopi cariño. Digicel, cu e lansamento di su promesa nobo "Ta Extraordinario", ta celebra e personanan extraordinario den su 31 comunidadnan y na Aruba a scoge pa cuminsa na, entre otro, celebra e futuro di nos hobennan. Digicel ta enfoca riba duna su comunidadnan un impulso, yuda e comunidad move padilanti, avansa, y unda miho na Aruba pa haci esaki si no ta cuminsando cu nos muchanan? Cu e pensamento aki, Gerente General di Digicel Aruba, Sr. Remko van der Veldt y su team a dicidi cu unda un impacto grandi por wordo haci cu ta beneficia e hobennan den nos comunidad lo ta na Centronan Tra’i Merdia. A sondea pa evalua unda tin un necesidad y a deduci cu ta tempo pa establece un partnership cu e organisacion aki y celebra nos muchanan extraordinario pa medio di un programa pa mehora lesamento y motiva e uzo corecto di e idioma Hulandes. Cu esaki, Digicel ta brinda su apoyo na e desaroyo y ambicion di nos hobennan, asina Remko Van der Veldt a enfatisa. Pa medio di mehora lesamento y e uzo di e idioma Hulandes ta contribui na nan conocemento y apoya nan prestacionnan na scol. Digicel a lansa su promesa nobo "Ta Extraordinario" cu un enfasis no riba e compania Digicel, pero mas bien riba e comunidad den cual e compania tin su operacion. "Ta Extraordinario" ta celebra no solamente e clientenan y futuro clientenan di Digicel, pero e comunidad henter, motivando tur hende pa mira, pensa, despues mira un di dos biaha y asina descubri cu nos ta rondona pa personanan ordinario cu ta haci cosnan extraordinario tur dia....sin cu nos mes ta ripara. |
Mustra/Kita e formulario di comentario
