Digicel hunto cu Traimerdia a clausura proyecto piloto di lesamento

Tuesday, 11 December 2012 20:52

Recientemente tabatin e gran clausura di e proyecto piloto di lesamento na Traimerdia San Nicolas, patrocina pa Digicel, unda cu alrededor di 100 mucha a haya oportunidad di desaroya nan habilidad y actitud cu lesamento. Remko van der Veld, Director di Digicel Aruba, tambe tabata presente y a keda masha contento y satisfecho cu e resultado y reaccion di tanto e muchanan como e guianan di Traimerdia.

Maudy Vorm, lider di centro di San Nicolas na Pieterboer School, ta sumamente agradici na Digicel como tambe Desiree Correa pa nan gran aporte na educacion di nos muchanan. E oportunidad cu Digicel a duna nan pa draai un proyecto educativo, cu ta na bienestar total di e educacion di mucha, tabata uno cu sigur nan no kier a laga pasa bay. P’esey a incorpora tambe un persona experto riba e tereno di lesamento, Desiree Correa, cu a duna e guianan un tremendo workshop den e vakantie di october, pa asina nan ta miho prepara p’e proyecto. Ya caba nan tabatin un proyecto di lesamento, pero material ta caro pa cumpra y Digicel a haci esaki posibel pa nan.

Desiree Correa a percura pa ekipa e guianan cu diferente topico, unda cu bin cu diferente opcion di actividad rond di un buki. “Ora nos a cuminsa cu e programa di lesamento, nos mester tin un meta. Na Aruba no tin e disciplina di lesamento, pues e no ta algo cu ta bay automatico. Nos tin cu percura pa stimula e muchanan pa tin placer den lesamento y nan goza plenamente di e buki cu nan ta lesa y alabes traha riba nan ampliacion di vocabulario den e idioma Hulandes, unda cu tin varios problema na scol. P’esey manera cu Digicel a presenta e proyecto aki, nos a bay di acuerdo pa tum’e y di biaha a pidi señora Desiree Correa un workshop tocante lesamento”, Maudy a duna di conoce.

Segun Remko van der Veldt: “Mirando e gran exito cu e programa aki tabatin, nos di Digicel a dicidi pa amplia e proyecto na e otro Traimerdianan ubica na Aruba. Nos ta agrega 4 localidad mas y esaki ta bay poco poco, pasobra e mester sosode na un forma adecuado y ta netamente loke nan a demostra. Digicel