| Digicel ta invita henter pueblo pa e Roadshow durante fin di siman aki |
 |
 |
| Thursday, 13 December 2012 21:15 | |||||||||
|
Siman pasa Digicel a bishita e barionan di Oranjestad y San Nicolas, unda cu tur hende a sali bin contra nan pa probecha di e ofertanan, como tambe e dushi ambiente. P’esey mes Digicel a dicidi di continua cu su Roadshow e fin di siman aki y ya ta preparando tur cos pa ranca sali, bishitando otro bario extraordinario di Aruba. Diabierna 14 di december, e Roadshow ta continua for di 6or di atardi te cu 10or di anochi na Digicel Store, na Tanki Leendert, brindando tur hende un fabuloso ‘shopping night’. Diadomingo 16 di december, e Roadshow lo ta den e bario di Noord, riba parkeerplaats di Compleho Deportivo Frans Figaroa. Durante e dos dianan aki di Roadshow, Digicel lo tin diferente modelo di celular na un prijs sumamente abou, incluyendo BlackBerry, Smartphone y Android. E famoso Kiosk Mobil, unda tur hende por test e tablets nobo nobo riba nan red di 4G, tambe lo t’ey, hunto cu varios celular, p’e clientenan test realmente con lihe Digicel su red ta funciona. Un di a atraccionnan cu a capta masha atencion mes, esta Digicel su visual di ‘Ta Extraordario’, ta cla pa diferente hende saca nan potret y pone esaki riba Facebook y asina participa pa gana Afl.1.000,- cash! E mashin di premio, unda cu cada cliente cu haci nan compra di Afl.15,- tambe ta presente pa drenta e mashin y gana diferente premio fabuloso, manera; BlackBerry, Androids, macuto di Pasco y hopi mas. Pa anima e dia aki, Digicel tin Gaita, Dino Jump, DJ cu hopi ambiente, pa tur hende cu bin, disfruta plenamente di un tremendo y dushi ambiente di famia. Top FM lo percura pa transmision en bibo di e evento aki, pa asina abo tambe pasa y disfruta hunto cu e famia grandi di Digicel den e bario di Noord.
|
Mustra/Kita e formulario di comentario
